Arslan.mn

Дорноговь аймгийн Замын-Үүд сумын онцгой комиссын шийдвэрээр сум доторх хөдөлгөөнд өчигдрөөс эхлэн цагийн хязгаарлалт тогтоожээ. 

Тодруулбал, сум доторх ачаа тээврээс бусад иргэн, автомашины хөдөлгөөнийг 20:00-06:00 цагийн хооронд 10 хоногийн хугацаатай хязгаарлахаар болсон байна.

Ийнхүү шөнийн хязгаарлалт тогтоосонтой холбогдуулан Замын-Үүд сумын төрийн байгууллагын 165 алба хаагч гудамж, талбай, олон нийтийн газарт хөдөлгөөний хязгаарлалт, хорио цээрийн дэглэмийг сахиулан үүрэг гүйцэтгэж байгаа аж.