Төрийн аудитын байгууллагын удирдлагууд 100 настай Ч.Намдаг гуайг хүлээн авч хүндэтгэл үзүүллээ Төрийн аудитын байгууллагын удирдлагууд 100 настай Ч.Намдаг гуайг хүлээн авч хүндэтгэл үзүүллээ
COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Төрийн аудитын байгууллагын удирдлагууд 100 настай Ч.Намдаг гуайг хүлээн авч хүндэтгэл үзүүллээ

2021 оны 9 сарын 13

Arslan.mn

Ирэх онд түүхт 100 жилийн ой нь тохиож буй Төрийн хяналтын байгууллагад тасралтгүй 25 жил ажиллаж, тус байгууллагын хөгжилд үнэтэй хувь нэмэр оруулсан  Ч.Намдаг гуайн 100 насны ойг тохиолдуулан  Үндэсний аудитын газрын удирдлагууд  хүлээн авч уулзан хүндэтгэл үзүүллээ.

Ч.Намдаг гуай 1921 оны 9 дүгээр сарын 16-ны өдөр Сүхбаатар аймагт мэндэлсэн бөгөөд 1960 онд Намын дээд сургууль төгсөн БНМАУ-ын Сайд нарын зөвлөлийн хянан шалгах комисст нийгэм, соёлын асуудал хариуцсан орлогч даргаар томилогдон Төрийн хяналт шалгалтын байгууллагатай ажил, амьдралаа холбожээ. Энэхүү уулзалтын үеэр Ч.Намдаг гуай “Хянан шалгах байгууллага  ажилдаа хариуцлагатай,  хөдөлмөрч, хатуужилтай, зарчимч, шударга, нийгмийн эрх ашгийг ямагт урьтал болгох зан чанарыг хүнд  суулган төлөвшүүлдэг” хэмээгээд  Төрийн аудитын байгууллагын албан хаагчдад ажлын амжилт хүсэж, ерөөлөө хайрлалаа.

Монгол Улсын Ерөнхий аудитор Д.Занданбат Төрийн аудитын байгууллагын 100 жилийн ойн босгон дээр Ч.Намдаг гуайн 100 насны ой давхцаж буй бэлэг дэмбэрэлтэй сайхан үйл явдал болж буйг онцлоод,  эрүүл энх, сайн сайхан бүхнийг хүсэн ерөөж ирэх онд тохиох түүхт ойн арга хэмжээнд оролцохыг урилаа.

Ч.Намдаг гуай улс нийгэмдээ  50 гаруй жил ажиллаж хөдөлмөрлөхдөө Хяналт шалгалтын албанд 26 жил удирдах албан тушаал хашжээ. Нас сүүдэр 100 хүрч яваа,  11 хүүхэдтэй өнөр өтгөн айлын өрхийн тэргүүн Ч.Намдаг гуайн гэр бүл, үр хүүхдүүд, ач зээ нарт нь Төрийн аудитын байгууллагын хамт олны зүгээс сайн сайхан бүхнийг хүсэн ерөөж байна.

Ч.Намдаг гуайн гэр бүлийн гишүүд түүний ажиллаж байсан байгууллага хамт олон 100 насных нь ойд ийнхүү хүндэтгэлтэй хандаж, хүлээн авч уулзаж буйд чин сэтгэлийн талархлаа илэрхийлэв.

Эх сурвалж: Үндэсний Аудитын Газар
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
630877
0 эможи

Үндэсний Аудитын Газар
ҮАГ

Холбоотой мэдээ

keyboard_arrow_up