Arslan.mn

Өвөрхангай аймгийн Сант суманд 240 хүүхдийн сургууль шинээр ашиглалтад орлоо. Боловсрол шинжлэх ухааны яамны захиалгаар “Аслаан” ХХК-ын зургаар “Тэд констракшн” барилгын ажлыг гүйцэтгэсэн байна. Энэ сарын 23-нд барилгын ажил дуусч, улсын комисс хүлээн авснаар есдүгээр сарын 1-нд сурагчдаа хүлээж авахад бэлэн болжээ.

Сант сумын сургуулийн барилга хуучирч муудсан, анги танхимын хүрэлцээ муугаас сургуулийн дотуур байрныхаа нэг хэсгийг анги болгон ашиглаж байсан бол одоо ийнхүү шинэ хичээлийн жилийн босгон дээр гадаах талбайн бүрэн тохижилт, камерын системтэй сургуультай болжээ.