Arslan.mn

Иргэн Т.Бат-Оргил өөрийн пэйж хуудсаар дамжуулан "Ерөнхий сайдад хүргүүлсэн шаардлагын дагуу Сүхбаатар дүүргийн прокурорын газраас дуудаж уулзсан" гэх агуулга бүхий мэдээллийг нийтэлсэн билээ. 

Тэгвэл энэ асуудлаар Сүхбаатар дүүргийн прокурорын газрын ерөнхий прокурорын орлогч С.Батсүрэн тайлбар мэдээлэл өглөө. Тэрбээр  "Иргэн Т.Бат-Оргил тэргүүтэй иргэдээс ирүүлсэн шаардлагад тусгасан зарим асуудал нь прокурорын байгууллагад харьяалагдаж байгаа учраас дуудаж уулзсан. Өөрөөр хэлбэл, шаардлагад дурдсан асуудал нь үзэл бодлоо илэрхийлсэн иргэнийг шүүх, прокурорын зөвшөөрөлгүйгээр баривчилж, саатуулсан гэх асуудал яригдсан. Энэ нь хүний эрх зөрчигдсөн байж болзошгүй байгаа тул үүнийг тодруулахаар дуудаж уулзсан" гэсэн юм.