COVID-19 7 хоногийн тойм -22°C 2639.86 ₮
09 сарын 18, Бямба
Өнөөдөр

Arslan.mn

ЦЕГ: Долоо хоногийн дотор 22 хүн гол усанд осолдож амиа алджээ

админ
2021 оны 7 сарын 18

Долдугаар сарын 10-16-ны өдрүүдэд гол усанд нийт 22 хүн нас барсныг Цагдаагийн ерөнхий газраас мэдээллээ. 

Тодруулбал,

  • Нийслэлд 6,
  • Орон нутагт 16 хүн нас баржээ.

Хүйсээр нь харвал эмэгтэй 7, эрэгтэй 15 байсан ба том хүн 18, дөрөв нь хүүхэд байна.

Гол, нууранд осолдсон байдлыг харвал: 

  • Туул голд живсэн 4,
  • Хэрлэн голд 3,
  • Хараа голд 3,
  • Эгийн голд 1 буюу голд 11 хүн живсэн байна. Харин нууранд 5, тогтоол усанд 5 иргэн амь насаа алджээ. 

Иргэдийн нас барсан шалтгааны тухайд гэвэл бүгд амралт аялал зугаалгаар явж байжээ. Ингэхдээ

  • сэлэх гэж гол руу орсон,
  • голд хийлдэг гудас хөмөрсөн,
  • нууранд морьтой орсон,
  • загас барьж байгаад хөл алдсан,
  • хаднаас хальтарч унасан зэрэг шалтгаанууд байна.

Одоогоор гурван иргэний цогцос олдоогүй эрэн хайх ажиллагаа үргэлжилж байгаа аж. 

Туул голын эрэг дагуу цагдаагийн 101 алба хаагч өдөр бүр явганаар болон мотоцикльтой эргүүл шалгалт хийж иргэдэд сэрэмжлүүлэг хүргэн ажиллаж байна.

Амралт зугаалгын өдрүүд дуусаагүй. Мөн ойрын өдрүүдэд цаг агаар халах төлөвтэй байгаа учир иргэд гол уснаас өөрийгөө болон бусдын амь насыг хамгаалахыг ЦЕГ-аас сэрэмжлүүлж байна. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
628915
0 эможи

keyboard_arrow_up