Гэртээ орж чадаагүй хүүхдүүд түр хамгаалах байранд байна
БЗД-ийн 4-р хороонд байрлах орон сууцны орцны жижүүр эмэгтэйгээс Covid-19-ийн халдвар илэрч, ХӨСҮТ-д эмчилгээ хийлгэж байгаа.Түүний хоёр хүүхдийн шинжилгээ нь сөрөг гарч, гэртээ очиход байрны оршин суугчид нь дургүйцэж, гэрт нь оруулаагүй байна. Энэ талаар ЭМЯ-ны ээлжит хурлын үеэр Гэр бүл, хүүхэд залуучуудын хөгжлийн газрын дарга О.Сэлэнгэ хэллээ. дараах тайлбарыг өглөө. Тэрээр "Өчигдөр хоёр хүүхэд гэртээ орж чадахгүй нөхцөл байдал үүссэн. Халдвар авсан хүмүүсийг ялгаварлан гадуурхахгүй байх хэрэгтэй. Хүүхдийн салбар ч гэсэн шинээр үүссэн нөхцөл байдалтай холбогдуулан ажиллах зарчим нь өөрчлөгдөж байна. Тухайн хоёр хүүхдийг хамгаалж түр хамгаалах байранд авсан. 21 аймаг, 9 дүүрэгт мэргэжлийн анги байгууллага ажиллаж байна. Сэлэнгэ аймагт халдварын улмаас 148 хүүхэд хараа хяналтгүй болсон. Тиймээс бид эдгээр хүүхдүүдийг хамгаалах чиглэлээр ажиллаж байна. Мөн хүүхэд хамгааллын 108 утсанд өдөрт 500 гаруй дуудлага ирж байна. Монгол улсын хэмжээнд 35 түр хамгаалах байр 250 гаруй хүүхдийг хамгаалахаар ажиллаж байна. хэмээлээ.