Arslan.mn

ЭМЯ, ХӨСҮТ-ээс 11:00 цагт хийсэн мэдээллийн үеэр Улсын онцгой комиссийн Шуурхай штабын дарга Б.Ууганбаяр мэдээлэл өглөө.

Тэрээр "Өнөөдрийн байдлаар Улаанбаатар хотын хэмжээнд тусгаарлан ажиглах 28 байранд 1607 иргэн, орон нутагт 33 байранд 692 иргэн, улсын хэмжээнд нийт 2299 хүнийг тусгаарлан ажиглаж байна. Өчигдөр 146 иргэнийг  тусгаарлан ажиглах байрнаас гэрийн ажиглалтад шилжүүлэх үйл ажиллагааг Нийслэлийн Онцгой Комисстой хамтран гүйцэтгэсэн. Гэрийн тусгаарлалтад байх хугацаа 14 хоног байна. Гэртээ гарсан иргэдийг гар утсан дахь аппликейшнээр дамжуулан хянана" гэлээ.

 Халдварын хамгийн том голомт болох Сэлэнгэ аймагт өнөөдрийн байдлаар 279 иргэн тусгаарлалтад байгаа аж.