Arslan.mn

УОК өнөөдөр гаргасан шийдвэрээ танилцууллаа. Энэ үеэр хэвлэлийн төлөөлөгч Ц.Ганзориг "Хэнтий аймагт хулгайн замаар очсон хоёр иргэнд түргэвчилсэн оношлуураар коронавирус илрүүлэх шинжилгээг хийхэд ЭЕРЭГ гарсан. Тэднийг PCR шинжилгээнд хамруулсан бөгөөд хариуг 17:00 цагт Эрүүл мэндийн яамны мэдээллийн хурлаар зарлана. Эдгээр иргэний шинжилгээний хариу сөрөг гарах магадлалтайг Эрүүл мэндийн сайд Т.Мөнхсайхан хэлсэн. Тухайлбал, Дархан-Уул аймагт 4,500 хүнээс түргэвчилсэн оношлуураар шинжилгээ авахад долоон хүний хариу ЭЕРЭГ гарсан бөгөөд тэднийг PCR шинжлэхэд давтан СӨРӨГ гарсан буюу коронавирусийн халдваргүй нь нотлогдсон" гэлээ.