COVID-19 7 хоногийн тойм -22°C 2639.86 ₮
10 сарын 28, Лхагва
Өнөөдөр

Arslan.mn

ШШҮХ-гийн техник, технологийг 19 тэрбум төгрөгөөр шинэчилнэ

админ
2020 оны 9 сарын 24

Arslan.mn

БНСУ-ын “Койка” Олон Улсын хамтын ажиллагааны байгууллагын буцалтгүй тусламжаар 2020 онд хэрэгжүүлэх төсөлд “Монгол Улсын Шүүхийн шинжилгээний байгууллагын чадамжийг сайжруулах төсөл” шалгарч, судалгааны баг 2020 оны 1 дүгээр улиралд төслийг хэрэгжүүлэхээр төлөвлөн ажиллаж байсан боловч дэлхий нийтэд тархаад байгаа “Ковид-19” цар тахлаас үүдэн тодорхойгүй хугацаагаар хойшлогдоод байсан билээ.

“Койка”-гын Монгол дахь төлөөлөгчийн газрын суурин төлөөлөгч Жу Хэйн-Нан, орлогч дарга Су Бу-Ён нар 2020 оны есдүгээр сарын 23-ны өдөр тус хүрээлэнд зочилж “Ковид 19” цар тахал бүрэн намдаагүй байгаа хэдий ч нийт долоон сая ам доллар буюу 19 тэрбум төгрөгийн санхүүжилтээр 2020-2023 онд хэрэгжих Шүүхийн шинжилгээний үндэсний хүрээлэнгийн ДНХ, Мансууруулах болон сэтгэцэд нөлөөлөх эм бодист хийх шинжилгээний лаборатори, Дижитал шинжилгээний лаборатори, Бичиг баримт болон мөр судлалын лабораторийн техник, тоног төхөөрөмжийг шинэчлэх, шинжээч мэргэжилтнүүдийг сургаж дадлагажуулах ажлаа эхлүүлэх болсныг мэдэгдлээ.

Түүнчлэн лабораториудын засвар, тохижилтын ажил, тоног, төхөөрөмж нийлүүлэлт, хор судлал, мансууруулах бодис, ДНХ, дижитал, бичиг баримт, сэтгэл судлал, галт зэвсэг, тэсэрч дэлбэрэх бодис, зам тээврийн осол болон шүүх эмнэлэг зэрэг чиглэлээр албан хаагчдыг БНСУ-д сургалтад хамруулах мөн БНСУ-аас улсаас мэргэжилтэн урьж сургалт зохион байгуулах юм.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
620035
0 эможи

Зочин
2020-09-24 11:21
keyboard_arrow_up