Arslan.mn

Хан-Уул дүүргийн ИТХ, “Хоггүй Монгол” ТББ-ын “Явуулын Дахивар Авах Станц” хамтран тус дүүргийн IV хорооны иргэдийн хүсэлтээр өнгөрсөн амралын өдөр дахирав авах ажлыг амжилттай зохион байгууллаа.  Тухайн өдөр иргэд шил, цаас, хуучин хувцас гэх мэт олон төрлийн дахиварыг тушаасан бөгөөд тухайн иргэдийн дахиварыг зах зээлийн үнээр худалдан авсан юм.      

Хог хаягдлаа багасгаж, шил, хуванцар, гялгар уут, бор хайрцаг, бичгийн цаас зэрэг дахивар хаягдлаа ангилж ялгаад, дахин боловсруулах компаниуд руу тушаагаад, эргээд эцсийн бүтээгдэхүүн болгон хэрэглэх боломжтой. Мөн хэрэглэхгүй хуучин хувцас, эд зүйлсээ хандивлаж байсан бөгөөд тухайн эд зүйлсийг Хан-Уул дүүргийн эмзэг бүлгийн айл өрхөд өгөх юм байна. Хог хаягдлыг анхнаас нь ангилан ялгах нь агаар, ус, хөрсний бохирдол үүсгэхгүй, эрүүл мэндэд ач тустай. Түүнээс гадна дахин боловсруулалт явагдсанаар улсын эдийн засгийн өсөлтөд ч нэмэртэй тул иргэн хүний үүргээ биелүүлж, хогоо ангилж хэвших нь зүйтэй юм.