Arslan.mn

Хан-Уул дүүргийн ИТХ-аас “Архигүй орчин бүтээцгээе“ олон нийтийн хэлэлцүүлэг хийж,  архины хор уршгийг нийгэмд таниулах самбар байршуулж, видео контентуудыг түгээж байгаа. Архи согтууруулах ундааны хэрэглээг бууруулах энэ аяныг иргэд, олон нийт ч дэмжиж нэгдсээр байна. Тухайлбал, Хан-Уул дүүргийн “Архигүй орчин бүтээцгээе” пэйж хуудсанд оруулсан зөвхөн нэг мэдээллийн дор 70 гаруй иргэн өөрийн бодол, санал хүсэлтээ илэрхийлжээ. Зарим хүмүүс энэ аянд шог зураг зурж нэгдсэн нь олон иргэдийн анхаарлыг татсаар байгаа юм. Архигүй, эко орчин бүрдүүлэхэд иргэн бүрийн оролцоо чухал гэдэг нь энэ энгийн жишээнээс харагдаж байна.

Энэ аяныг хэрэгжүүлснээр Хан-Уул дүүрэгт  согтуугаар үйлдэгдсэн  гэмт хэргийн гаралт өмнөх оны мөн үетэй харьцуулахад 290 нэгжээр буюу 13,5 хувиар буурсан үзүүлэлттэй байна.