COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

С.Баяр нарт холбогдох хэргийг тусгаарлаж, С.Баярцогт, Б.Бямбасайхан нарын шүүх хурал үргэлжилж байна

2020 оны 7 сарын 06

Arslan.mn

Нийслэлийн прокурорын газраас С.Баяр, С.Баярцогт, Б.Ариунсан, Б.Бямбасайхан, Ч.Давааням, Б.Бадрал, Д.Ганболд нарт холбогдуулан яллах дүгнэлт үйлдэж ирүүлсэн 461 хавтаст эрүүгийн хэргийг тус дүүргийн шүүх 2020 оны 3 дугаар сарын 23-ны өдөр хүлээн авсан.

2020 оны зургаадугаар сарын 22-ны өдрийн шүүх хуралдаанаар шүүгдэгч Б.Бямбасайханы өмгөөлөгч Н.Цогт, шүүгдэгч Д.Ганболдын өмгөөлөгч Б.Баяраа нар нь нэр бүхий гэрч, шинжээч нарыг оролцуулах хүсэлт тус тус гаргасныг шүүх хүлээн авч, шүүх хуралдааныг 2020 оны 7 дугаар сарын 6-ны өдрийн 09:00 цагт товлосон юм.

Өнөөдрийн шүүх хуралдаанаар С.Баярын өмгөөлөгч П.Баасанжав, шүүгдэгч Ч.Давааням, түүний өмгөөлөгч Б.Мөнхбат нар нь шүүх хуралдаан давхацсан тул шүүх хуралдаанд ирээгүй. Тиймээс шүүхээс шүүгдэгч С.Баяр, Ч.Давааням нарын хэргийг тусгаарлаж, шүүх хуралдааны товыг жич зарлахаар боллоо. Мөн шүүгдэгч С.Баяр, Ч.Давааням нарт урьд авсан таслан сэргийлэх арга хэмжээг хэвээр үлдээв.

Бусад шүүгдэгчдэд холбогдох гэм буруугийн шүүх хуралдаан үргэлжилж байна.

Шүүх хэргийг хүлээн авсан өдрөөс хойш шүүгдэгч нар болон тэдгээрийн өмгөөлөгч нараас гаргасан хүсэлтийг хүлээн авч, шүүхийн урьдчилсан хэлэлцүүлэг болон гэм бурууг хэлэлцэх шүүх хуралдааныг нийт 4 удаа хойшлуулжээ гэж Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газраас мэдээллээ.

Мэдээнд өгөх таны үнэлгээ?
Like an post Love an post
2
haha an post
wow an post
2
yay an post
sad an post
ouch an post
confuse an post
2
angry an post
3
618418
10 эможи

Зочин
2020-07-08 00:34
баярыг ялыг нь хурдан өгөхгүй юм байхдаа
БАЙЛДАГЧ
2020-07-07 13:13
ХӨРӨНГИЙГ НЬ ХУРААГААД БУУД
Зочин
2020-07-07 12:28
dawxdsan ch irex l estoi shte ed nariin xurald tiimees setgel dutsan boltoi xaragdaj bna zoosnoos uur ym xardagvi mu sain umguulugch nar xudalaa shte
keyboard_arrow_up