COVID-19 7 хоногийн тойм -22°C 2639.86 ₮
07 сарын 15, Лхагва
Өнөөдөр

Arslan.mn

how_to_vote Сонгууль 2020

ЗТХЯ-ны газрын дарга асан Р.Ононгоос 644.9 сая төгрөг гаргуулах нь

админ
2020 оны 6 сарын 02

Arslan.mn

ЗТХЯ-ны Авто замын бодлогын хэрэгжилтийг зохицуулах газрын даргаар ажиллаж байсан Р.Онон үндэслэлгүйгээр хөрөнгөжсөн хэрэгт холбогдон АТГ-т шалгуулж байсан билээ. Түүнийг нийтийн албан тушаал хашиж байх хугацаандаа хөрөнгө нь их хэмжээгээр нэмэгдсэн, уг хөрөнгө нь хууль ёсны болохыг үндэслэлтэй тайлбарлаж чадаагүй буюу үндэслэлгүйгээр хөрөнгөжсөн хэрэгт гэм буруутайд тооцож, хэргийн хөөн хэлэлцэх хугацаа дууссанаар эрүүгийн хариуцлагаас чөлөөлж, нэгэнт албадлагын арга хэмжээнээс чөлөөлж байгаа тул эд хөрөнгийг хураан авах боломжгүй тухай шийтгэх тогтоолд дурдсан байдаг. Энэ хэрэгт төр нийтийн ашиг сонирхол зөрчигдсөн гэж үзээд иргэний хэрэг хянан шийдвэрлэх ажиллагааны журмаар шийдвэрлүүлэхээр прокурор нэхэмжлэл гаргасан юм.

Уг нэхэмжлэлийг үндэслэн Хан-Уул дүүргийн Иргэний хэргийн анхан шатны шүүхэд өнгөрсөн оны зургадугаар сарын 27-нд хэлэлцээд нэхэмжлэлийг хангаж шийдвэрлэсэн билээ. Гэвч шүүхийн Тамгын газрын ажилтны буруутай үйлдлээс болж нийслэлийн Иргэний хэргийн давж заалдах шүүхээс уг шийдвэрийг хүчингүй болгож, зөрчлийг нь засуулахаар буцаасан байдаг. Ийнхүү процессын зөрчлийг арилгуулахаар буцаасан байтал Хан-Уул дүүргийн Иргэний хэргийн анхан шатны шүүх Р.Ононгийн үндэслэлгүй хөрөнгөжсөн хөрөнгийг хурааж, улсын санд төвлөрүүлэх нэхэмжлэлтэй хэргийг энэ оны гуравдугаар сарын 30-нд хэлэлцээд бүхэлд нь хэрэгсэхгүй болгосон аж. Анхан шатны шүүхийн энэ шийдвэрийг прокурор эс зөвшөөрч гомдол гаргасны дагуу нийслэлийн Иргэний хэргийн давж заалдах шатны шүүхэд өнгөрсөн баасан гарагт хэлэлцээд прокурорын нэхэмжлэлийг хангаж, хариуцагч Р.Ононгоос 644.9 сая гаруй төгрөг гаргуулан улсын орлого болгохоор шийдвэрлэжээ.

Бэлтгэсэн: Г.Равжаа

Эх сурвалж: Өнөөдөр сонин

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
617498
1 эможи

Rodriguez
2020-06-03 11:26
Сайн уу Бид Францын санхүүжилтийн бүлэг тул санхүүгийн бэрхшээлтэй хүмүүст хувь хүмүүсийн хоорондох зээлийг санал болгодог. Та сайн зан чанартай, шударга, өгөөмөр нэгэн юм. Өр төлбөрөө барагдуулах, төлбөрөө төлөх эсвэл агуу бизнес эхлүүлэхэд танд зээл хэрэгтэй юу? Бид 5,000-1,000,000 еврогийн хоорондох зээлийг санал болгодог бөгөөд хүссэн дүнгийн хувьд жилийн 3% -ийн хүүтэй жилийн хүүтэй байдаг. Хэрэв та хувийн зээл хайж байгаа бол Бидэнтэй холбоо бариарай: doresrodriguez17@gmail.com Бид танд талархаж байна
irgen
2020-06-03 09:43
buudaad hurungiig huraa
Зочин
2020-06-02 12:04
яана даа
2020-06-02 10:48
ЭНЭ авлигачин шүүгч нараасаа яаралтай салаач.
keyboard_arrow_up