COVID-19 7 хоногийн тойм -22°C 2639.86 ₮
09 сарын 30, Лхагва
Өнөөдөр

Arslan.mn

Цагдаагийн ерөнхий газрын Хэвлэл мэдээллийн төвд сурагч “Н” охиноос ирсэн захидал

админ
2020 оны 1 сарын 24

Arslan.mn

“Миний хөөрхөн үр минь чамдаа аав нь хязгааргүй их хайртай, чи минь ээж бид хоёрынхоо хайрын гэрч болж ирсэн. Аав, ээж хоёр нь чамайгаа хэнээс ч дутаахгүй өсгөх болно оо. Чи минь ийм үзэсгэлэнтэй, ийм хайр татам ялдам, ийм ухаалаг, хайрлахгүй байхын аргагүй гээд л аав минь намайг үргэлж хайрладаг байлаа.

Аав бид хоёр ээжийг ажилтай үед хааяа хааяа хоёулахнаа гадуур хооллоно, кино үзнэ, ээжийг ажлынх нь гадаа хүлээнгээ бас зайрмаг идэнгээ нууцаа хуваалцдаг байсан юм.

Аав маань гэнэтхэн л өөр хүн шиг болчихсон. Намайг чи юу ч хийхгүй байна үеийн чинь хүүхдүүд ямар байгааг чи харж байна уу? Чиний хичээл хийнэ, сургуульд сурна гэж юу байдаг юм, сургуулиас чинь гаргана за юу гэж надруу орилоод л. Согтуу үедээ бүр аймар, эх шигээ царай гаргачихаад муухай хараад байгаарай гэх зэргээр миний үйлдэл бүрийг гоочилж, намайг өмнөх шигээ хайрлахаа больж, аав надад өдрөөс өдөрт дургүй болсон.

Үүгээр ч зогсохгүй заримдаа намайг, бас ээжийг минь зоддог боллоо. Хүнд хэлэхэд санаа зовмоор ч ийм байдалд би жил гаран амьдарсан юм.

Миний аав уг нь ээж, бид хоёрт уурладаггүй. Үргэлж та хоёрыгоо хайрлах болно. Та хоёр минь л жаргалтай байвал тэр миний жаргал гэж ярьдаг байсан хүн яагаад ийм болчихов гэж 12 настай би эргэцүүлэн бодож гарлаа.

Аав минь гэртээ ирэхдээ ихэвчлэн архи уучихаад ирдэг боллоо. Ажил дээр нь ямар нэгэн асуудал гараад байгаа юм болов уу?, ээжтэй муудаад байгаа юм болов уу?, өвчин тусчихсан юм болов уу?, аль эсвэл надад дургүй болоод байгаа юм болов уу? гээд би өөрөө өөртэйгөө ярьж эхэллээ.

Эцэст нь би олж мэдсэн. Аав нэг өдөр даргатайгаа үзэл бодол зөрөөд муудалцжээ. Тэр өдөр аавтай хамт ажилладаг ахын төрсөн өдөр болсон байна. Аав найзынхаа төрсөн өдөрт уригдаад найз бүсгүйнх нь найзуудтай танилцсан гэдэг. Тэр өдрөөс хойш ээж, бид хоёроос зөндөө юм нуугаад, ээж заримыг нь мэдчихэнгүүт уурладаг байсан байна лээ. Харин зарим өдөр согтуу ирдэг нь тэр найзуудтайгаа архи уучихаад ирдэг байсныг би саяхан мэдсэн юм.

Ингээд ээж, бид 2-ыг найз нөхөд болон согтууруулах ундаагаар солиод явчихсан юм. Эхлээд аавгүй амьдарна гэж бодохоос айж байсан боловч загнуулж, элдвээр хэлүүлэхгүй бас зодуулахгүй гэж бодохоор маш сайхан байсан.

Ээж, бид хоёр одоо энэ амьдралдаа дасчихсан, гэсэн хэдий ч хааяа аавыгаа ихээр санах юм.”

Гэр бүлд халуун дулаан уур амьсгал, хайр энэрэл, халамж, хамгийн сайхан бүхнийг цогцлооход эр хүний нөмөр нөөлөг, эмэгтэй хүний хатан ухаан нэн чухал.

Хүчирхийлэл нь гэмт хэрэг юм. Иймд гэр бүлдээ хамгийн сайхан бүхнийг бий болгож үр хүүхэд, хань ижил, ах дүү нараа үргэлж ойлгож, хүндлье.

Мэдээнд өгөх таны үнэлгээ?
Like an post Love an post
21
haha an post
5
wow an post
7
yay an post
2
sad an post
162
ouch an post
15
confuse an post
11
angry an post
12
612957
329 эможи

e9uv1f0skl
2020-02-08 05:29
Зочин
2020-01-27 00:40
1990-2000 оны архичин, хүчирхийлэгчүүд одоо хөгшрөөд асаргаа сувилгаа нэхэж
Зочин
2020-01-26 21:10
Бид өөрсдөө архи дарсны хэрэглээгээ зүй зохистой болгох, авахгүй байхад үйлдвэрлэхээ болино биз дээ
oko
2020-01-26 20:15
odoo ene olon arhinii vildweree haagaachee.bas tsagdaagiin yeronhii gazar 3sar arhiggvi ayan zarlaj hudaldaalahgvi bh tuhai zahiramj sanaachilaad vr dvng ni haruulah heregtei bna ih olon hvn bayrlah bolno shvv
Зочин
2020-01-25 19:46
Хамгийн гол нь гэмт хэргийн дийлэнх хувь нь архинаас үүдэлтэй гэдэг судалгаа бий гэдэгт оршиж б.а
Иргэн
2020-01-25 19:00
Архи пивоны ноёрхсон том үйлдвэрүүдтэй тэдэндээ долилзож архийг нь рекламдаж зурагтаар завсаргүй гарч байхад архи пиво ууж байгаа хүмүүсд буруу өгөх арга алга байна шд... Зодоон нүдээн аллага хүчирхийлэл бүгд архи пивотой холбоотой шд архины компаниуд юм юмны ард нээх хөөрхөн сууцгаах юм даа
Shinebayr
2020-01-25 15:29
Ene niigem ter chigere aimshig bolchloo l do amid hvnees aij ywah gdeg hamgin aimshig bs ene arhi bl. bvr aimshig helhf ch hetsvv ymda
irgn
2020-01-25 14:22
oo hetsvv tgd hadam ortsd hersv. ym bnle aimr darmt bol bno
Зочин
2020-01-25 14:21
Гэрт хүчирхийлэгч байна гэдэг аймаар шүү
irgen
2020-01-25 14:11
ger buliin tuhai huulid ger bulees gaduur hariltsaag tusgaj ger bultei huntei orootsoldson yumnuudad shiitgel uguh heregtei gerbulees gaduur hariltaa yag ene jisheeg uusgej baina
Irgen
2020-01-25 13:10
Odoo ene niigemd iim ger bul huchirhiileld usch bga uchnuun byatshan zurhnuud bna. Humuusee ur huuhed eleg buten amidralaa ur hoich uedee uvluulen uldeej saihan ger bul baitsgaaya gemeer bna.
Зочин
2020-01-24 20:10
keyboard_arrow_up