Зам тээврийн ослоос урьдчилан сэргийлэх чиглэлээр СЭРЭМЖЛҮҮЛЭХ ЗУРАГТ ХУУДАС гаргажээ

Тээврийн прокурорын газраас санаачлан Нийслэлийн Гэмт хэргээс урьдчилан сэргийлэх ажлыг зохицуулах зөвлөл, “Улаанбаатар төмөр зам” хувь нийлүүлсэн нийгэмлэгтэй хамтран “Хүүхдүүдээ замын хөдөлгөөнд анхаарал, болгоомжтой оролцоцгооё”, “Нийтийн тээврийн жолооч таны анхааралд”, “Галт тэргээр зорчигч таны анхааралд” гэсэн зурагт хуудсыг бэлтгэн гаргаж, галт тэрэг, нийтийн тээврийн үйлчилгээ эрхэлдэг компаниуд, сургууль, цэцэрлэг зэрэг байгууллагуудад хүргүүлжээ.

Энэхүү зурагт хуудсыг Замын хөдөлгөөний аюулгүй байдлын тухай хууль тогтоомж, төмөр зам болон автотээврийн хэрэгслийн хөдөлгөөний аюулгүй байдал, ашиглалтын журам зөрчих гэмт хэрэг, зөрчилд иргэдийг өртөж хохирох, холбогдохоос урьдчилан сэргийлэх, сэрэмжлүүлэх зорилгоор гаргасан байна.