Arslan.mn

Улаанбаатар хотын агаарын бохирдлыг судлах, агаарын бохирдлын эх үүсвэрүүдээс гаргаж буй бохирдуулах бодисын хэмжээ, тархалтад мониторинг хийхэд дэмжлэг үзүүлэх зорилгоор БНСУ-ын “3STECH” компани нь шинэ дэвшилтэт технологи болох “Нисгэгчгүй нисдэг хэрэгсэл”-ийг  БОАЖЯ, ЦУОШГ-т өнөөдөр үнэ төлбөргүй хүлээлгэн өглөө.

Уг дрон нь цаг уурын судалгаа, байгаль орчны мониторинг хийх зориулалттай бөгөөд газрын гадаргаас дээш 3,000 метр хүртэл хөөрч агаарын босоо чиглэлийн тархалтын судалгаа явуулна.

Ингэхдээ цаг уурын үндсэн элементүүд болох агаарын температур, чийгшил, даралт, салхины зүг, хурд тодорхойлохоос гадна агаарын бохирдлын мониторингийг хийж, РМ10, РМ2.5 болон РМ1 хүртэлх тоосонцорын босоо, хэвтээ чиглэл дэх тархалтыг тодорхойлох боломжтой юм байна.