7 хоногийн тойм -22°C 2639.86 ₮
11 сарын 23, Бямба
Өнөөдөр

Arslan.mn

Амралтын өдрүүдэд ослын улмаас нийслэлд НАЙМ, орон нутагт ХОЁР хүн амиа алджээ

админ
2019 оны 10 сарын 21

Arslan.mnӨнгөрсөн амралтын өдрүүдэд зам тээврийн ослын улмаас 45 хүн гэмтэж бэртсэний 6 нь хүүхэд байв.

Зам тээврийн ослын улмаас нийслэлд найм, орон нутагт хоёр хүний амь нас хохирчээ.

Нийслэлд гарсан ноцтой зам тээврийн ослоос дурдвал: 2019.10.19-ны өдрийн 11:25 цагийн орчимд СХД-ийн 22 дугаар хороо Ар гүнтийн замд “Хууль Сахиулахын Их Сургууль”-ийн Hyundai Aero town маркийн автобус онхолдож зорчигч Г, У, Б, А, З, Ц, Т нарын 7 хүн нас барж, зорчигч 31 хүн гэмтсэн байна.

Мөн өдрийн 19:18 цагийн орчимд СХД-ийн 25 дугаар хороо Зүүн салааны зам, 1-р автобусны буудлын замд Mazda Bongo маркийн автомашины жолооч,  явган зорчигч Б-г мөргөж амь насыг нь хохироожээ.

Орон нутагт:

2019.10.19-ний 17:30 цагийн орчимд Дундговь аймгийн Дэрэн сумын 4-р баг “Гучин” гэх газар шороон замд улсын дугааргүй Dayun маркийн  мотоцикл онхолдож, жолооч Х, 17-ны 21:55 цагийн орчимд Булган аймгийн Баян-Агт сумын 2-р баг “Ар булаг” гэх газар шороон замд Hyundai Sonata6 маркийн автомашин замын хажуу руу гарч судаг мөргөн, жолооч Б нар амиа алдсан ослууд гарсан байна.  

Иймд хөдөлгөөнд оролцож буй нийт жолооч нар өөрсдийн болон бусдын аюулгүй байдал, гарч болзошгүй осол хэргээс урьдчилан сэргийлэхийн тулд тээврийн хэрэгслийн бүрэн бүтэн байдлыг хангах, зуны дугуйтай хөдөлгөөнд оролцохгүй байхыг анхаарууллаа.

Согтуугаар тээврийн хэрэгсэл жолоодсон 94 жолоочийг илрүүлж хуулийн дагуу хариуцлага тооцсон байна.  

Эх сурвалж: ТЦА
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
609495
0 эможи

Зочин
2019-10-22 00:02
Зочин
2019-10-21 17:40
ТЦА

Холбоотой мэдээ

keyboard_arrow_up