Arslan.mn

Алба хаагчдын мэдлэг, ур чадвар, эрүүл мэнд, бие бялдрыг хөгжүүлэх, мэргэжлийн ур чадварыг шалгадаг “Шилдэг зохицуулагч” тэмцээн 1967 оноос хойш  52 дахь жилдээ уламжлал болгон зохион байгуулагдаж байна.

 “Шилдэг зохицуулагч-2019” тэмцээнд Тээврийн цагдаагийн албаны харьяа газар, хэлтэс, тасаг, хэсгийн 36 нэгжийн 72 алба хаагч оролцож,

• Гэрийн даалгавар
• Жагсаалын үзлэг
• Хууль эрх зүй, гадаад хэлний мэдлэг
• Зам тээврийн ослын газарт ажиллах ажиллагаа
• Биет зохицуулалт хийх
• Бие бялдрын бэлтгэлжилтийн түвшин
• Сонор сэрэмж, ур чадвар шалгах төрлүүдээр мэдлэг оюун, авхаалж самбаа, хурд хүчээ сорьж, шилдгүүдээ шалгарууллаа.

Тэмцээн 2 өдөр үргэлжилсэн бөгөөд “Шилдэг зохицуулагч-2019” цогцолбор тэмцээний нийлбэр дүнгээр

• ТУСГАЙ БАЙР-ыг Сэлэнгэ аймаг дахь Цагдаагийн газрын Замын цагдаагийн тасаг,

• ГУРАВДУГААР БАЙР-д Хэнтий аймаг дахь цагдаагийн газрын Замын цагдаагийн тасаг,

• 

• ХОЁРДУГААР БАЙР-д Архангай аймаг дахь цагдаагийн газрын Замын цагдаагийн тасаг,

• ТЭРГҮҮН БАЙР-д Чингэлтэй дүүрэг дэх Замын цагдаагийн хэлтэс шалгарч өргөмжлөл, цом, иж бүрэн компьютер, принтерээр шагнаж урамшуулав.

• ШИЛДЭГ ЗОХИЦУУЛАГЧ-аар Баянгол дүүрэг дэх Замын цагдаагийн хэлтсийн цагдаа зохицуулагч, цагдаагийн ахлах ахлагч Д.Давааням шалгарч өргөмжлөл, цомоор шагнуулав