Arslan.mn

Гадаад худалдааны үйл ажиллагааг хөнгөвчлөх, төрийн үйлчилгээг гадаад худалдаанд оролцогч иргэн, хувийн хэвшилд хүргэх зорилгоор Гааль-бизнесийн уулзалтыг өнөөдөр “Бизнес эрхлэгчдээ сонсоё” уриан дор ГЕГ, МҮХАҮТ хамтран зохион байгууллаа. 

Тус уулзалтад ГЕГ, Улаанбаатар хот дахь гаалийн газар, Улс хоорондын шуудан илгээмжийн гаалийн газар, Буянт-Ухаа дахь гаалийн газар, МҮХАҮТ, TRAM төсөл, худалдаа эрхлэгч, мэргэшсэн холбоод, бусад төрийн байгууллагын нийт 150 гаруй төлөөлөл оролцож байна.

ГЕГ-ын зүгээс Гаалийн шинэчлэлийн хүрээнд хийгдэж буй “Ухаалаг гарц” бүртгэлийн шинэ систем буюу Хилийн боомтын нэвтрүүлэх хүчин чадлыг нэмэгдүүлэх, Тээврийн хэрэгслийн хил нэвтрэх хугацааг түргэн шуурхай болгох, Улсын хил нэвтэрсэн тээврийн хэрэгслийг автоматаар бүртгэх систем зэрэг шинээр хийгдэж буй ажлуудын талаар танилцууллаа.

Мөн  гаалийн лабораторийн иж бүрэн шинэчлэлийн хүрээнд  найман салбар лабораторийг шинэчлэхээр болжээ.

Гаалийн лабораторийн иж бүрэн шинэчлэлийг хийснээр гаалийн бүрдүүлэлтийн цаг хугацаа, зардлыг бууруулах, худалдааг хөнгөвчлөх боломжтой болох юм.