Arslan.mn

Бүгд найрамдах Чех Улсын Засгийн газрын албан ёсны хөгжлийн тусламжийн хүрээнд  тус улсын Улаанбаатар хот дахь элчин сайдын яамны санхүүжилтээр “Сүүний үнэ цэнийг нэмэгдүүлэх нь” төсөлд олгож буй сүүний сав, цөцгий ялгагч гардуулах ёслолын ажиллагаа өнөөдөр болоо.

Тус төсөл нь Завхан аймгийн Идэр суманд хэрэгжиж байгаа бөгөөд экспортын чиглэлийн хатуу бяслагийн загвар үйлдвэр байгуулах, сүү нийлүүлэх тогтолцоо бүрдүүлэх замаар орон нутгийн 3000 гаруй иргэдийн амьжиргааг дэмжих, өрхийн орлогыг нэмэгдүүлэх зорилготой аж.

Уг төслийн хүрээнд  Улаанбаатар хот дахь БНЧУ-ын Элчин сайдын яам болон Адра Монгол олон улсын байгууллага хамтран стандартын шаардлага хангасан 62 ширхэг эвдэрдэггүй сүүний  ган сав, зургаан ширхэг цөцгий ялгагчийг дээр дурдсан бяслагийн үйлдвэрт сүү нийлүүлэх малчдад олголоо.