Arslan.mn

ТЕГ-ын дарга асан Б.Хурц, УЕП-ын орлогч Г.Эрдэнэбат нарын 9 хүнд холбогдох шүүх хурал Төв аймаг дахь Сум  дундын Эрүүгийн  хэргийн анхан  шатны  шүүхэд 6 дахь өдрөө  үргэлжилж байна.

Хаалттай үргэлжилж буй шүүх хурлын үеэр Т.Чимгээгийн өмгөөлөгч ХЗДХ-ийн сайд Ц.Нямдоржтой утсаар холбогдсон гэсэн мэдээллийг албан бус эх сурвалжууд гаргасан юм. Тэгвэл бид мэдээллийг тэнцвэртэй хүргэх үүднээс уг асуудлыг ХЗДХ-ын сайд Ц.Нямдоржоос  тодруулсан юм.

Тэрбээр, "Би хохирогчийн талын хэн нэгэн өмгөөлөгчтэй огт яриагүй. Шүүхэд нөлөөлөх гэсэн хэн нэгний гүтгэлэг мэдээлэл явуулж байна. Шүүн таслах ажиллагааны явцад  хэн ч хөндлөнгөөс нөлөөлөх эрх байхгүй" гэлээ.