Arslan.mn

Боловсрол, соёл, шинжлэх ухаан, спортын яамны харьяа байгууллагуудын сонгон шалгаруулалтыг Төрийн албаны зөвлөлийн 25-р тогтоолоор баталсан “Төрийн үйлчилгээний байгууллагын төсвийн шууд захирагчийг сонгон шаргалуулах журам”-д заасны дагуу нээлттэй зарлалаа.

Үүнд:

• Богд хааны ордон музейн захирал,
• Монголын театрын музейн захирал,
• “Хархорум” музейн захирал,
• “Хөшөө цайдам” музейн захирал,
• Дорноговь аймгийн Замын-Үүд сумын ерөнхий боловсролын лаборатори сургуулийн захирал,
• Увс аймгийн ерөнхий боловсролын лаборатори “Шинэ ирээдүй” цогцолбол сургуулийн захирал,
• Хөвсгөл аймгийн ерөнхий боловсролын лаборатори “Эрдмийн далай” цогцолбор сургуулийн захирал,
• Завхан аймгийн ерөнхий боловсролын лаборатори “Чандмань-Эрдэнэ” цогцолбор сургуулийн захирал,
• Баян-Өлгий аймгийн ерөнхий боловсролын лаборатори 2 дугаар сургуулийн захирал
• Нийслэлийн ерөнхий боловсролын лаборатори “141-р сургуулийн захирал,
• Нийслэлийн ерөнхий боловсролын лаборатори 142 сургуулийн захирал,
• Нийслэлийн Багануур дүүргийн ерөнхий боловсролын лаборатори “Боловсрол” цогцолбор сургуулийн захирал,
• Ерөнхий боловсролын тусгай сургууль: 116 дугаар тусгай сургууль, 29 дүгээр тусгай сургуулиудын төсвийн шууд захирагч нарын албан тушаалын нээлттэй сонгон шалгаруулалт явуулах мэдээллийг “Төрийн үйлчилгээний байгууллагын төсвийн шууд захирагчийг сонгон шалгаруулах журам”-ын 2.3-т заасны дагуу олон нийтэд зарласан байна.

Сонгон шалгаруулалтын бүртгэл Засгийн газрын  III байранд 2019 оны 9 дүгээр сарын 9, 10-ны өдрүүдэд 09:00-17:00 цагийн хооронд явагдана. Харин сонгон шалгаруулалтыг 9 дүгээр сарын 12-ны өдөр явуулах бөгөөд бүртгүүлсэн иргэдээс хууль эрх зүйн мэдлэг, дүн шинжилгээ хийх, асуудал шийдвэрлэх чадвар, монгол хэлний бичгийн чадвар зэрэг нийт 8 ур чадварын хүрээнд шалгалт авах юм.