7 хоногийн тойм -22°C 2639.86 ₮
12 сарын 16, Даваа
Өнөөдөр

Arslan.mn

“ЭРҮҮГИЙН ЦАГДААГИЙН АЛБА“-ны түүхт 85 жилийн ойн баяр тохиож байна

админ
2019 оны 7 сарын 19

Эрүүгийн цагдаагийн албаны түүхт 85 жилийн ойн баяр тохиож байна

Эрүүгийн цагдаагийн албаны түүхт 85 жилийн ойг тохиолдуулан баярын хурал, шагнал гардуулах ёслол өнөөдөр /2019-07-19/ Мөрдөн байцаах албаны хурлын танхимд боллоо.  Энэхүү үйл ажиллагаанд Цагдаагийн ерөнхий газрын Тэргүүн дэд дарга, цагдаагийн хурандаа Р.Отгонжаргал,,   Дэд дарга, цагдаагийн хурандаа Ж.Болд  тэргүүтэй Зөвлөлийн гишүүдийн төлөөлөл болон төв орон нутгийн цагдаагийн газрын Эрүүгийн цагдаагийн тасгийн дарга, ахлах мэргэжилтэнүүд оролцсон юм.

Энэ үеэр Цагдаагийн ерөнхий газрын Эрүүгийн цагдаагийн албаны дарга, цагдаагийн хурандаа  Б.Даваажавын хэлсэн үгийг та бүхэндээ бүрэн эхээр нь хүргэж байна.

"Эрүүгийн цагдаагийн албаны үе үеийн удирдлага, ахмад ажилтан, албан хаагч, хамтран ажилладаг байгууллагын удирдлага, ажилтнууд та бүхний энэ өдрийн амрыг эрье. Ардын хувьсгалын болон цагдаагийн байгууллагын 98, Эрүүгийн цагдаагийн албаны 85 жилийн ой, “Цагдаагийн алба хаагчийн өдөр”-ийн баярын мэндийг Эрүүгийн цагдаагийн албаны даргын зөвлөлийн гишүүдийн нэрийн өмнөөс болон хувиасаа дэвшүүлье.

Анх 1934 оны 02 дугаар сард Цагдан сэргийлэх байгууллагад гүйцэтгэх ажил эрхлэх тусгайлсан чиг үүрэгтэй гүйцэтгэх ажлын тасгийг байгуулсан нь анхны зохион байгуулалттай бүтэц болж, өнөөдрийн Эрүүгийн цагдаагийн албаны үндэс суурь тавигдсан гэдгийг Та бүхэн мэдэж байгаа.

Тэр цаг үеэс өнөөдрийг хүртэл түүхийн бүхий л цаг хугацаанд Эрүүгийн цагдаагийн алба нь төр засаг, түмэн олныхоо амар төвшин, аюулгүй байдлыг сахин хамгаалж ирсэн түүхэн гавьяатай билээ. Энэхүү гавьяаг энэ албатай ажил, амьдралаа холбож, мэдлэг чадвар, оюун ухаан, бие сэтгэлээ зориулсан үе үеийн удирдлага, ахмад ажилтан, албан хаагчид та бүхний хичээл зүтгэл, хоёргүй сэтгэлийн үр дүн гэдгийг бахархан тэмдэглэж хэлмээр байна.

Бид бүхэн албаныхаа түүхт 85 жилийн ойг ажлын үр дүн, ололт амжилтаар дүүрэн тэмдэглэн өнгөрүүлэхийг зорьж нийт 56 ажил, арга хэмжээг төлөвлөж, хэрэгжүүлээд байна. Тухайлбал:

  • Албаныхаа түүхт ойг тохиолдуулан эрхэлсэн ажилдаа идэвх зүтгэл гаргаж онцгой гавьяа байгуулсан, ажил мэргэжлээрээ бусдыгаа хошуучлан ажилласан 3 алба хаагчид Төрийн, 20 алба хаагчид Хууль зүй, дотоод хэргийн яамны, 15 алба хаагчид цагдаагийн цол, 37 алба хаагчийг Цагдаагийн байгууллагын, 94 алба хаагчийг Эрүүгийн цагдаагийн албаны, 150 алба хаагчийг төрийн болон төрийн бус байгууллагын шагналаар тус тус шагнаж урамшууллаа. 
  • Алба хаагчдын дунд “Бильярд”, “Сагсан бөмбөг”, “Самбо”, “Үргэлж тантай хамт”, “Эрүүгийн хлах мөрдөгч 2019”, “Миний мэргэжил-Миний бахархал”, “Соёлч байгууллага, алба хаагч”, “Би байгууллагынхаа нэг хэсэг”, “Би цэвэр бичигтэн” зэрэг спортын болон соён гэгээрүүлэх ажлыг үе шаттай зохион байгуулж, тэргүүлсэн алба хаагч, хамт олынг шагнаж урамшуулаа.
  • Алба хаагчдынхаа нийгмийн асуудлыг шийдвэрлэх зорилгоор БГД-ийн III хорооны нутаг дэвсгэрт 66 айлын орон сууцны барилгын ажлыг 100 хувийн гүйцэтгэлтэй улсын комисст хүлээлгэн өгч, барилга ашиглалт нээлтийн арга хэмжээг зохион байгууллаа.
  • Мөн хөнгөлөлттэй үнээр хамрагдах боломжтой Хан-Уул дүүргийн 15 дугаар хорооны нутаг дэвсгэрт баригдах KHANSVILL EXTRA хотхоны мэдээллийг алба хаагчдад хүргэж хамрагдах хүсэлтэй 216алба хаагчаас 129 алба хаагч хамрагдаж, барилгын ажил 2 дахь давхартаа явагдаж байна.
  • Эрүүгийн цагдаагийн албанаас цэргийн байнгын тэтгэвэрт гарч эдүгээ нас сүүдэр 89 хүрсэн ахмад ажилтан, цагдаагийн бэлтгэл хошууч С.Лүндаа гуайд болон хамт олноо ажил үйлсээрээ тэргүүлэн ажиллаж байгаа энгийн ажилтан М.Эрдэнэцэцэг нарт 5 ханатай өргөө цагаан гэрийг гардуулан өглөө.  
  • Мөн алба хаагчдын аятай тухайтай ажиллах орчин нөхцөлийг бүрдүүлэх зорилгоор төв байрны зарим хэсэгт засвар үйлчилгээ хийж, ажил үүрэг гүйцэтгэхэд шаардлагатай техник, хэрэгслээр хангах ажлыг үе шаттай зохион байгууллаа.
  • Алба хаагчдын ажил, амьдрал, албаны үйл ажиллагааг иргэд олон нийтэд сурталчлан таниулах зорилгоор баримтад кино, богино хэмжээний видео шторк, зорилтод нэвтрүүлгүүдийг бэлтгэн телевиз, олон нийтийн цахим сүлжээгээр хүргэх ажлыг зохион байгууллаа.
  • Цагдаагийн байгууллагын удирдлага, тус албаны харьяа нэгжийн ажилтан, албан хаагчид, ахмад ажилтнууд, хамтран ажилладаг байгууллагын удирдлага, ажилтнуудын нийт 1450 хүнд тус албаны 85 жилийн ойн хүрээнд бидний бэлтгэсэн гарын бэлэг, дурсгалын зүйлийг гардуулан өглөө.
  • “Эрүүгийн цагдаагийн албаны хүндэт ажилтан тэмдэг”, “Эрүүгийн тагнуулын үйл ажиллагаа” сурах бичиг, “Эрүүгийн цагдаагийн албаны түүхэн товчоо-2” ном, алба  хаагчидүйл ажиллагаандаа өдөр тутам ашиглах гарын авлага зэргийг бүтээж, номныхоо нээлтийг өнөөдөр хийх гэж байгааг бахдан хэлэхэд таатай байна.

Бид түүхт албаныхаа залгамж халаа болж, энэ цаг үед ажиллаж байгаадаа бахархаж, албаныхаа нэрийг өндөрт өргөж, хуулиар харьяалуулсан гэмт хэрэгтэй гүйцэтгэх ажлын шугамаар тэмцэх, мөрдөн шалгах чиг үүргээ хуулийн хүрээнд шударгаар, нэр төртэй хэрэгжүүлж ажиллана гэдэгт итгэл төгс байна.

Эрүүгийн цагдаагийн албаны түүхт 85 жилийн ойн баярт уригдан оролцож байгаа Цагдаагийн ерөнхий газрын удирдлага, ахмад ажилтан, албан хаагчид,зочид Та бүхэндээ ажлын амжилт, амьдралд тань сайн сайхан бүхнийг хүсье"  гэж хэллээ.

Түүхт ойгоо ёслол төгөлдөр тэмдэглэж байгаа алба хаагч нартаа ажлын амжилт хүсэж байна.

Мэдээнд өгөх таны үнэлгээ?
Like an post Love an post
haha an post
1
wow an post
yay an post
1
sad an post
ouch an post
confuse an post
angry an post
605963
2 эможи

keyboard_arrow_up