Arslan.mn

Тулгар төрийн 2228, Их Монгол Улсын 813, Ардын хувьсгалын 98 жилийн ойн үндэсний их баяр наадмын хурдан морины уралдаанд түрүүлж, айрагдсан морьдын цолыг дуудаж, шагналыг гардуулан өглөө.

Үндэсний их баяр наадмыг зохион байгуулах комиссын дарга Ө.Энхтүвшин, нийслэлийн Засаг дарга бөгөөд Улаанбаатар хотын захирагч, Үндэсний их баяр наадмыг зохион байгуулах хорооны дарга С.Амарсайхан болон бусад албаныхан шагнал гардуулсан юм.

Дараа нь Ерөнхийлөгч Х.Баттулга хурдан морины уралдаанд унасан хүлгээ түрүү магнай, аман хүзүүнд уралдуулж, айрагдуулсан унаач хүүхдүүдэд гарын бэлгээ гардууллаа.

Төрийн тэргүүн унаач хүүхдүүдэд баяр хүргэж, амжилт хүсэн ерөөв.