Arslan.mn

Төрийн далбааны өдөрт зориулсан хүндэтгэлийн ёслол жанжин Д.Сүхбаатарын талбайд боллоо.

Монгол төрийн бэлгэ тэмдэг болсон Төрийн далбаандаа хүндэтгэлтэй хандах, түүхт ёс, түүхэн уламжлалаа нандигнан өвлөх, үндэсний эв нэгдлийг бэхжүүлэх зорилгоор Төрийн далбааны өдөртэй болох хуулийг 2008 онд баталж, жил бүрийн долоодугаар сарын 10-нд Үндэсний баяр наадмын өмнөх өдөр тэмдэглэж ирсэн.

Энэ жилийн хүндэтгэлийн ёслолд Монгол Улсын Ерөнхийлөгч Х.Баттулга, Улсын Их Хурлын дарга Г.Занданшатар, Ерөнхий сайд У.Хүрэлсүх нар оролцлоо.

2009 оноос эхлэн энэ жил 11 дэх удаагаа тэмдэглэж байна.