Arslan.mn

Орон нутагт нийтийн аж ахуйн салбарын мэргэжлийн ажиллах хүчин хомс байдгаас шалтгаалан мэргэжлийн бус хүмүүс ажиллах нь их байдаг. Тиймээс нийтийн аж ахуйн салбарт ашиглагдаж буй бага оврын халаалтын зуухны машинист болон сантехникийн засварчдыг чадахижуулах нь юунаас чухал. Иймд Барилгын хөгжлийн төв Ховд аймгийн ЗДТГ, болон орон нутгийн ГХБХБГ-уудтай хамтран орон нутгийн нийтийн аж ахуйн салбарт ажиллаж буй машинист болон сантехникийн засварчдыг чадавхижуулах сургалтыг Ховд аймагт зохион байгууллаа.

Бүсчилсэн байдлаар явуулсан энэхүү сургалтад Ховд, Баян-Өлгий, Говь-Алтай, Увс аймгийн 50 гаруй ажилтан хамрагдсан байна. Сургалтыг БХТ-ийн мэргэжилтэн Т. Бат-Эрдэнэ удирдан зохион байгуулж, сургагч багшаар ШУТИС-ийн багш болох С.Эрхэмбаяр , С.Алтансүх, Х.Баатарсүрэн нар ажиллаж байгаа юм.