Arslan.mn

Цагдаа, дотоодын цэргийн анги, байгууллагуудын 2019 оны аварга шалгаруулах Мөрдөн байцаах албаны нэрэмжит "УУЛЫН УНАДАГ ДУГУЙН" тэмцээн өнөөдөр Хан-Уул дүүргийн Өлзийт тосгонд боллоо.

Цагдаагийн алба хаагч, ажилтан нарын эрүүл зөв аж төрөх ёс, зан үйлийг төлөвшүүлэх, эрүүл чийрэг бие бялдар, сэтгэл зүйг бэлтгэх, хамт олны дунд эерэг орчинг бүрдүүлэх, алба хаагчдыг идэвхжүүлэх, ажлын үр дүн, бүтээмжийг нэмэгдүүлэх зорилгоор таван насны ангилалаар тус тэмцээнийг зохион байгууллаа.

Мөрдөн байцаах албаны Хүрээлэн буй орчны эсрэг гэмт хэрэгтэй тэмцэх хэлтсийн дарга, цагдаагийн хурандаа Т.Баатар:

Цагдаа, дотоодын цэргийн анги, байгууллагуудын дунд "УУЛЫН УНАДАГ ДУГУЙН" тэмцээн 8 дахь жилдээ амжилттай зохион байгуулагдаж байна. Энэ жилийн тэмцээн Мөрдөн байцаах албаны нэрэмжит зохион байгуулагдаж байгаагаараа ихээхэн онцлогтой болж байна. Анх  2012 онд 60 гаруй тамирчин орж байсан бол өнөөдөр эрэгтэй, эмэгтэй таван насны ангилалд 300 орчим тамирчин оролцож, тэмцээн их өрсөлдөөнтэй болж байна. Энэ тэмцээнийг зохиож эхэлснээс хойш уулын унадаг дугуйн спортыг сонирхох алба хаагчдын тоо нэмэгдэж байна. Энэ жилийн тэмцээнийг шинэ хурдны зам дээр 8-20 км-т зохиож байгаа нь их онцлогтой. 

"Цагдаагийн алба хаагчдын дугуй сонирхогчдын клуб" фэйсбүүк группаар дамжуулан алба хаагчдад дугуйн спорттой холбоотой мэдээлэл, зөвлөгөө өгч ажиллаж байгаа.

ШУУД ҮЗЭХ: