ФОТО: Нөөцийн махыг 5500-7200 төгрөгөөр борлуулж байна
Нөөцийн махыг зах зээлийн үнээс 14-31 хувийн хямд борлуулж эхэлжээ.
Нийслэлийн хүн амын хаврын хүнсний хэрэгцээнд “Баатарууд тэнгэр” ХХК, “Дархан меат фүүдс” ХХК, “Сүхбаатар мах маркет” ХХК-иуд нийт дөрвөн тонн мах бэлтгэж, үхэр, хонь, ямааны ястай махыг 2,3 кг-аар ангилан савласан байна. Үхрийн ястай мах 7200, хонины ястай мах 6000, ямааны ястай мах 5500 төгрөгийн ханштай байна.
Улаанбаатар хотын хүн амын хаврын улирлын махны хэрэгцээ дунджаар 12.2 мянган тонн гэсэн тооцоо бий. Өнгөрсөн жил 12.8 тонн нөөцийн мах бэлтгэн худалдаанд гаргаж байжээ.
Засгийн газрын 2018 оны 218 дугаар тогтоол, "Мах, сүүний анхдугаар аян"-ы хүрээнд хүн амын хүнсний хангамжийг тогтворжуулах, стратегийн хүнсний бүтээгдэхүүн нийлүүлэх улирлын хамаарлыг бууруулах, эрүүл, аюулгүй бүтээгдэхүүнээр иргэдийг хангах зорилгоор орон нутгаас мал, мах бэлтгэлийг нэмэгдүүлэхээр ХХААХҮЯ-наас махны үйлдвэр бүхий ААН-тэй хамтран ажиллаж байгаа юм.
Эх сурвалж: ГЭРЭЛ ЗУРГИЙГ MPA.MN
|