Arslan.mn

Туул голын сав газрын төлөв байдлын үнэлгээ" төслийн үр дүнг өнөөдөр танилцууллаа. 

Дэлхийн усны өдөр өнөөдөр тохиож, 2019 оны усны өдрийг “Цэнгэг ус-Тэгш хуваарилалт” уриатайгаар тэмдэглэн өнгөрүүлж байна.  

УЦУО-ны судалгаа мэдээллийн хүрээлэнгийн гадаргын усны судалгааны хэлтсийн тэргүүлэгч эрдэм шинжилгээний ажилтан Г.Даваа

 Тогтвортой байдлын үзэл баримтлалтын хувьд  2030 оны түвшинд бүх нийтээр шаардлага хангасан эрүүл ахуй, ариун цэврийн байгууламжаар хангагдах ёстой. Усны нөөцийн тогтвортой менежментийг хэрэгжүүлэх ёстой.

Гадаргын усны тэгш хүртээмжийн асуудалд дараах хүчин зүйл нөлөөлдөг.

• Усны нөөцийн орон зайн жигд бус хуваарилалт
• Усны горимын онцлог, жилийн доторх урсацын жигд бус хуваарилалт
• Үндэсний онцлог, нүүдэлчин ахуй, хот, хөдөөгийн ялгаа
• Усны үнэ, цэнэ- Усны дэд бүтэц, хуримтлал, жигд хуваарилалт
• Усны нөөцийн нэгдсэн менежмент – Тогтвортой хөгжлийн үндэс болохыг нийтээр хүлээн зөвшөөрөх асуудал
• Сайн хөршийн харилцаа

Мөн манай нийслэлийн тухайд авч үзвэл 1 м.кв талбайд ногдож буй хүн амын нягтрал 2017 оны байдлаар улсын дунджаар 2 хүн /м.кв байхад энэ үзүүлэлт Туул сав газарт дунджаар 55.8 хүн/м.кв, үүнээс Улаанбаатар хот байршилтай сав газрын II дэд хэсэгт 329 м.кв  хүн байна. Үүнээс шалтгаалж Улаанбаатар хотын усны нөөцийн ашиглалтын ачаалал нэмэгдэж, хөрс, ус, агаарын бохирдол, доройтол улам бүр нэмэгдсээр байна” гэв.