Arslan.mn

Зургаан настай хүү амиа алдсан талаар ЦЕГ-ын хэвлэлийн төлөөлөгч, ахмад М.Мөнхшүр мэдээлэл өглөө. 

ШУУД ҮЗЭХ: 

Тэрбээр "2019 оны гуравдугаар сарын 21-ний өдөр 11:00 цагт БЗД-ийн 13 хороонд ”Офицер захын хажууд нэг хүүхэд машин доогуур хэвтэж байна” гэсэн дуудлага мэдээллийг тухайн хорооны иргэнээс цагдаагийн байгууллагад өгсөн.

Дуудлагын дагуу БЗД дэх цагдаагийн нэгдүгээр хэлтсийн жижүүрийн бүрэлдэхүүн шалгахад эрэгтэй зургаан настай А гэрийнхээ давхрын цонхоор унаж, осгож нас барсан байж болзошгүй нөхцөл байдал илэрсэн бөгөөд хэргийг шалгаж байгаа.  

Урьдчилсан байдлаар хүүхдийг хараа хяналтгүйгээр гэрт нь цоожилж үлдээснээс золгүй байдал гарсан гэж үзэж байгаа. 

Цагдаагийн байгууллагаас хүүхдийг харгалзах хүнгүйгээр гэрт нь цоожил үлдээхүй байхыг байнга анхааруулдаг. Гэтэл хүүхдийг үл хайхрах тохиолдлоор амь нас нь хохирсон асуудлыг шалгаж байна" гэлээ. 

Хүү гурван давхарын цонхоор унасан бөгөөд үүнээс үүдэлтэйгээр осгож нас барсан нөхцөл байдал тогтоогджээ.

Талийгаач хүүгийн эгч хичээлдээ явахдаа дүүгээ гаднаас нь цоожлоод явсан бол эмээ нь тухайн өдрийн өглөө ээлжийн ажлаасаа бууж гэртээ ирэх байсан аж.