Arslan.mn

МАХН-ын дэд дарга Э.Эрдэнэжамъяан өнөөдөр мэдээлэл хийлээ. МАХН-ын дарга Н.Энхбаярын хэрэгт улсын яллагчаар ажилласан прокурор Ё.Сагсайн өөрийн ажлын байрандаа нэгэн бүсгүйд бэлгийн дарамт учруулж, хүчирхийлсэн гэх мэдээлэлтэй холбоотой бичлэгийг энэ үеэр олон нийтэд дэлгэсэн юм.

ВИДЕО:

МАХН-ын дэд дарга Э.Эрдэнэжамъяан: 

“Ё.Сагсай улсын ерөнхий прокурорын орлогч хийдэг. Ё.Сагсай прокурор ажлын байрандаа нэгэн эмэгтэйд бэлгийн дарамт үзүүлж, хүчирхийлж байхад нь хэдэн залуус гаднаас дайрч орж ирсэн байгаа юм. Ингээд тус залуус “Та энэ эмэгтэйд бэлгийн дарамт үзүүлсэн. Үнэн үү. Би бол шударга цагдаа” гэж Ё.Сагсай прокуророос асуухад “Тийм. Үнэн, үнэн. Би энэ хүнийг хорихоос гарахын төлөө бүх зүйлийг хийхийн төлөө ажиллана” гэж хэлсэн байгаа юм. Бид таван минутын бичлэгээс хүмүүст үзүүлэх боломжтой арай ёс зүйтэй, ойлголт өгч болохыг нь олон нийтэд үзүүлж байна.

Энэхүү бичлэгийг үзүүлж байгаа нь хууль, шүүхийн системд ажиллаж байгаа хүн хэнийг ч бэлгийн дарамтад оруулж, хэнийг ч хамаагүй ялладаг тогтолцоог халахын төлөө тэмцэх ёстой гэдгээ илэрхийлэхийг хүссэнээ Э.Эрдэнэжамъян хэлэв. 

Үнэн үг хэлсэн хүмүүсийг хохироогоод, худлаа хэлснийг нь хаацайлдаг тогтолцоонд бид амьдарч байна. Тиймээс хувь хүний хувьд хууль шүүхийн байгууллагыг цэвэрлэхийн төлөө эцсээ хүртэл ажиллана" гэлээ. 

Мөн хэрэв Е.Сагсай бичлэгийн талаар гомдол гаргаж, гүтгэсэн гэвэл шүүхийн өмнө уулзахад бэлэн гэдгээ хэллээ.