Х.Болдбаатар: “Зураг авлаа, миний дүү хадгалж байгаач“ гэж хэлдэг. Би хадгалдаг
Ерөнхийлөгч асан Ц.Элбэгдоржийн гэргий Х.Болормаагийн дүү Х.Болдбаатарын ажлын байранд нэгжлэг хийсэн тухай мэдээлэл тарсан билээ.
Тэгвэл ажлын байрандаа нэгжлэг хийлгэсэн гэх Х.Болдбаатар өнөөдөр мэдээлэл хийж байна.
ШУУД ҮЗЭХ:
Х.Болдбаатар:
"Анхны цалингаасаа л зураг цуглуулж эхэлсэн.Юндэн Нансалмаа хоёрын зургийг худалдаж авч байлаа. Улаан-Од сонинд томилогдсон жижигхэн дэслэгч байхад нь эгчийнхээ нөхөртэй анх 1988 онд танилцаж байлаа.
Бид хоёрын сонирхол нэг. Би 1989 оноос хойш бизнес хийж эхэлсэн. Сүүлийн 10 гаруй жил барилгын салбарт ажиллаж байна.
Би одоогийн Ерөнхийлөгч Х.Баттулгын жолооч байсан. Би тэр хүний оймсыг угааж, гутлыг нь тосолж явсан. Хувь заяаны тохиолоор хоёр Ерөнхийлөгчтэй их ойр явлаа.
Ц.Элбэгдорж гуайн өрөөнд нэгжлэг хийгээгүй, манайхыг нэгжсэн нь үнэн. Зураг авлаа, миний дүү хадгалж байгаач гэж хэлдэг. Би хадгалдаг нь үнэн. Гэрт нь аваачаад өлгөчихсөн зураг байхгүй. Цагдаагийн байгууллага үнэн мөнөөр нь шалгах байх. Бид бол энд тэндээс зураг хулгайлаад явах хүн биш. " хэмээн ярилаа.