Ирэх сараас хэрэгжих хуулиар нийлэг улавчийг өмсөхийг хориглохгүй

Засгийн газрын тогтоолоор ирэх гуравдугаар сарын 1-ээс Монгол Улсын нутаг дэвсгэрт 0.035 миллиметрээс нимгэн нийлэг уут ашиглахыг хориглосон. Үүнтэй холбоотойгоор иргэдийн дунд төөрөгдөл бий болжээ. Тухайлбал, зарим үйлчилгээний газраар үйлчлүүлэхдээ байнга ашигладаг нийлэг улавчийг үүнд багтаан ойлгож, зарим сургууль, цэцэрлэг дүрмээ хэрэгжүүлээд эхэлжээ.

Энэ талаар тодруулахад “Засгийн газрын 2018 оны зургадугаар сарын 20-ны тогтоолоор 2019 оны гуравдугаар сарын 1-ээс бүх төрлийн 0.035 мм болон түүнээс нимгэн нэг удаагийн нийлэг хальсан уутыг худалдаа, үйлчилгээнд сав баглаа боодлын зориулалтаар үйлдвэрлэх, импортлохыг хориглосон. Сав баглаа боодлын зориулалттай гэж байгаа тул нийлэг улавчинд хамаарахгүй” гэсэн юм.

Нийлэг уут нь байгаль орчинд хортойгоос гадна хүний эрүүл мэндэд сөргөөр нөлөөлдөг. Дэлгүүрээс хүнс авахдаа нийлэг уутанд хийж, хэрэглэснээр хортой нэгдэл ялгаруулж, түүний улмаас хүний бие хорт бодисоор хордох аюултай.

Монгол Улс жилд 132 мянган тонн хуванцар сав, гялгар уут импортолдог ажээ.

0.035 мм-ээс нимгэн нийлэг уут