Arslan.mn

Жилийн тэргүүн ном шалгаруулах ёслолын ажиллагаа өнөөдөр Үндэсний номын санд зохион байгуулагдаж, нохой жилийн тэргүүн номоор Дэлхийн соёл, яруу найргийн академийн байнгын гишүүн, Утга зохиолын доктор, Азийн утга зохиолын шагналт зохиолч, яруу найрагч Дамдинсүрэнгийн Урианхайн 10 боть бүтээлийн чуулган шалгарлаа.

Энэхүү 10 боть нь 2022 он хүртэл хэвлэгдэх 27 боть бүтээлийн эхний 10 боть чуулган нь юм. Тус 10 ботид философи болон улс төрийн номууд ороогүй, зөвхөн утга зохиолын төрөл зүйлээр бичсэн зохиолууд багтжээ.

Шилдгүүдийг эрдэмтэн судлаачид, шүүмжлэгчдийн саналаар шалгаруулдаг аж.

Нохой жилийн шилдэг дөрвөн номоор “Шувууг сулла”, "САНКАРА" эссэ роман, "Монгол хэлний үгийн гарлын тайлбар толь, Шилдэг орчуулгын номоор "Хайрын ааш" номууд шалгарсан байна. 

Түүнчлэн шилдэг хэвлэлийн газраар НЭПКО компани шалгарчээ.