Arslan.mn

Хуульчид нэгдэн “Жижиг дунд үйлдвэрийг хөгжүүлэх сангаас урт хугацаатай хөнгөлөлттэй зээл авах эрх” олгосон компаниудтай холбогдох хэсгийг хүчингүй болгуулахаар Захиргааны хэргийн шүүхэд хандсан асуудлаар мэдээлэл хийлээ.

ШУУД ҮЗЭХ: 

Хуульчдын төлөөлөл энэ асуудлаар олон үйл ажиллагаа явуулж байгаа бөгөөд өмнө нь Үндсэн хуулийн цэцэд ЖДҮХС-тай холбогдсон 12 гишүүнтэй холбоотой мэдээлэл явуулсан бөгөөд хуулийн байгууллага шалгаж байгаа тул давхар шалгах боломжгүй хэмээн мэдээллийг буцаасан байна. 

Өнөөдрийн байдлаар уг асуудалтай холбогдсон гишүүдийн тоо 24-т хүрсэн гэх мэдээллийг хуульч н.Номингэрэл энэ үеэр хэлсэн юм. Тэд ЖДҮХС-тай холбоотой хэргийг улс төрийн хэрүүл гээд орхиж боломгүй нөхцөл үүссэн тул хуулийн хариуцлага хүлээх хүртэл үйл ажиллагаагаа тасралтгүй явуулна гэдгээ хэлж байна. 

Мөн дараагийн нэхэмжлэл нь "Жижиг дунд үйлдвэрийг хөгжүүлэх сангаас урт хугацаатай, хөнгөлөлттэй зээл олгох төсөл сонгон шалгаруулах журам"-д оруулсан өөрчлөлтийг хүчингүй болгох, ХХААХҮ-ийн сайдын 2017 оны зургадугаар сарын 14-ний А/76 тоот тушаалаар батлагдсан "ЖДҮХС-аас урт хугацаатай, хөнгөлөлттэй зээл олгох төсөл сонгон шалгаруулах журам"-ын 6.7-ын дор хийсэн "Дээрх зохицуулалт нь энэхүү журам батлагдсанаас хойш шинээр зарлах төсөл сонгон шалгаруулалтад үйлчлэхгүй" гэх нэмэлт тайлбарыг хүчингүй болгуулах нэхэмжлэлийг шаардлага гаргажээ. 

Дээрх журмуудаас шалтгаалан 2016, 2017 онд төсөл сонгон шалгаруулах хорооны хурлаас шалгарч дэмжигдсэн боловч "санхүүжилтийн эх үүсвэр хүрэлцээгүйн улмаас санхүүжигдээгүй төслүүд" санхүүжилтээ нөхөн авах боломжгүй болсон байна.