Хөгжлийн бэрхшээлтэй иргэдийн эрхийг хамгаалах өдөрт зориулсан зорилтот аян амжилттай боллоо
Жил бүрийн 12 сарын 03 өдрийг хөгжлийн бэрхшээлтэй эрхийг хамгаалах олон улсын өдөр болгон тэмдэглэдэг.
Тэгвэл Баянгол дүүргийн ХХҮХ тус өдрийг тохиолдуулан хөгжлийн бэрхшээлтэй иргэдэд чиглэсэн нийгмийн халамжийн үйлчилгээний чанар хүртээмжийг сайжруулж, тэдний амьдралын чанарыг дээшлүүлэхэд чиглэсэн ажил үйлчилгээнүүдийг зохион байгуулах зорилгоор “Хүртээмжтэй нийгмийн төлөө хүн бүрийн оролцоог дэмжье” уриан доор дараах ажил үйлчилгээнүүдийг зохион байгууллаа. Үүнд:
БГД-ийн хөдөлмөр, халамж үйлчилгээний хэлтэс төрийн болон төрийн бус байгууллагуудтай хамтран иргэдэд чиглэсэн үйл ажиллагааг зохион байгуулсан бөгөөд 23 хороо тус бүр хөгжлийн бэрхшээлтэй иргэн, хүүхдэд чиглэсэн ажлуудыг шинээр санаачлан хийсэн. үүнд:
хөгжлийн бэрхшээлтэй иргэдэд мэдээ мэдээлэл олгох, хуулийн мэдлэгийг нэмэгдүүлэх сургалт, зөвлөгөөн – 276
сэтгэл зүйн болон эд материалын тусламж дэмжлэг үзүүлэх - 377
хөдөлмөр эрхлэлтийг дэмжих арга хэмжээ, ажилд зуучлах үйлчилгээ-15
тусламж, дэмжлэг үзүүлэх сайн үйлсийн ажил -34 өрх
хөгжлийн бэрхшээлээс урьдчилан сэргийлэх чиглэлээр эрүүл мэндийн үзлэг, витаминжуулалтанд хамруулах -171
хөгжлийн бэрхшээлтэй хүүхдүүдийн дунд гар зураг, эссэ бичлэг, дуу шүлгийн уралдаан -52
нийгмийн халамжийн хөнгөлөлт тусламж - 526
тус тус хамрагдаж нийт давхардсан тоогоор 1451 иргэнд үйлчилгээг хүргэн ажилласан байна.
Аяны хүрээнд зохион байгуулагдсан сайн үйлсийн ажлуудад хамтран ажиллаж хөгжлийн бэрхшээлтэй иргэн, хөгжлийн бэрхшээлтэй хүүхэд, зорилтот өрхүүдэд тусламж дэмжлэг үзүүлсэн хувь хүн, аж ахуй нэг байгууллагууддаа талархал илэрхийлье.
БЭРХШЭЭЛ БҮРИЙН ЦААНА, БОЛОМЖ ҮРГЭЛЖ БАЙДАГ