7 хоногийн тойм 24°C 2392.55 ₮
06 сарын 23, Бямба
Өнөөдөр

Arslan.mn

Төөрсөн МАЗААЛАЙ гэртээ ХҮРГЭГДЖЭЭ

админ
2018 оны 6 сарын 13

Говь-Алтай аймгийн Дэлгэр сумын нутаг Мухарын худаг хэмээх газар малчин Сэнгээгийн хонин дунд баавгайтай төстэй амьтан байна гэх мэдээлэл тус аймгийн БОАЖ-ийн газарт иржээ.

Дуудлагийн дагуу 2018 оны зургаадугаар сарын 6-нд 14:00 цагийн орчим очиход 3-4 насны мазаалай баавгай болох нь батлагдсан байна. БОАЖ-ын газрын мэргэжилтүүд, Гуулин тосгон, Тайшир сумын байгаль хамгаалагчид, ГИДЦГ-ын "А" хэсгийн хамгаалалтын захиргааны мэргэжилтнүүд, аймгийн Цагдаагийн газраас хамтран ард иргэдийн аюулгүй байдлыг хангах пост гарган, Мазаалай хамгаалах нийгэмлэгийн ажилтан судлаач А.Баясгалангаар ахлуулсан багийг иртэл хамгаалан ажиллажээ.

Энэ үеэр залуу мазаалайн хөдөлгөөн, шилжилтийг хорих, идэш тэжээл тавих, айлгахгүй байх, сонирхсон иргэдийг ойртуулахгүй байх зэрэг бүх талын арга хэмжээ авав. Мазаалайг булчин сулруулах тариагаар тарьж, тусгай зориулалтын баригчид тээвэрлэн ГИДЦГ-ын Цагаан бургасны ам хэмээх газар амжилттай хүргүүлсэн талаар Говь-Алтай аймгийн Байгаль орчин, аялал жуулчлалын газраас мэдээллээ. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
58427
0 эможи

keyboard_arrow_up