Arslan.mn

Барилгын хөгжлийн төв болон Монголын ус сувгийн ассоциаци хамтран “Бохир усны цэвэрлэх байгууламжийн ашиглалт, шинэчлэлт” сэдвийн дор сургалт зохион байгуулж байна. Сургалтын хүрээнд БХТ-ийн захирал Ц.Амарсанаа ОХУ-аас ирсэн мэргэжилтнүүдийг хүлээн авч сургалтын талаар санал солилцож, сургалтын үйл ажиллагаанд амжилт хүслээ.

Барилгын хөгжлийн төв дээр гурван хоног үргэлжлэх энэхүү сургалт өнөөдөр нээлтээ хийлээ. Сургалтын нээлтэнд БХБЯ-ны Нийтийн аж ахуй бодлогын газрын дарга О.Лхагвацэдэн, БХТ-ийн Нийтийн аж ахуйн хэлтсийн дарга Т.Ганбаатар, ОХУ-ын Новосибирк хотын УСУГ-ын ерөнхий инженер Багаев Ю.Г тэргүүтэй мэргэжилтнүүд оролцлоо.

“Ариутгах татуургын системийн ашиглалт, шинэчлэлт” сэдвийн дор болж байгаа энэ сургалтад ОХУ-ын Новосибирск хотын УСУГ-ын төлөөлөгчид болох Новосибирск хотын УСУГ-ын Ерөнхий инженер Багаев Ю.Г, ахлах инженер  Давыдов А.Б,  Новосибирск хотын “Ориан Аква” ХХК-ийн захирал Андриянец П.И, “Сибресурс” ХХК-ийн ус цэвэрлэгээний хэлтсийн дарга Богданов Б.А нар хүрэлцэн ирж  сургалт хийж байгаа юм байна.

Сургалтад 21 аймгийн нийтийн аж ахуйн салбарын инженер техникийн ажилтнууд оролцож байна.