Тусгай наалтгүй тээврийн хэрэгслийг ачихгүй

Авто замын хөдөлгөөнд саад учруулж, замын хөдөлгөөний дүрэм зөрчин байрлуулсан авто машиныг ачиж зөөвөрлөдөг.

Тэгвэл өнгөрсөн сарын 28-наас мөрдөгдөж буй шинэчилсэн журмын дагуу замын цагдаагийн алба хаагчид хөдөлгөөнд саад учруулсан тээврийн хэрэгсэлд тусгай тэмдэг наах бөгөөд уг наалт байхгүй автомашиныг ачиж зөөвөрлөхгүй гэдгийг Цагдаагийн ерөнхий газраас мэдээллээ.

Нийслэлийн Засаг даргын 2017 оны наймдугаар дугаар сарын 17-ны А/601дугаартай "Нийслэлд тээврийн хэрэгслийг зориулалтын автомашинаар зөөж шилжүүлэх үйл ажиллагааг зохион байгуулах тухай" захирамжийн дагуу наймдугаар сарын 28-ны өдрөөс эхлэн ачиж, журамлаж байгаа юм.

Мэдээнд өгөх таны үнэлгээ?