Arslan.mn

Оны эхнээс гуравдугаар сарын 31-ний өдөр хүртэлх хугацаанд чулуун нүүрсний экспорт 59.8 хувиар буурсан талаар Гаалийн ерөнхий газар мэдээллээ.

Гашуунсухайт боомтоор 1509.6 мянган тонн чулуун нүүрс гаргасан нь жилийн өмнөхөөс 60.3 хувиар буурсан бол Шивээхүрэн боомтын экспорт 77 хувиар буурч, 741.4 мянган тонн чулуун нүүрс гаргасан байна.

Ховдын Булган боомтоор 128.7 мянган тонн чулуун нүүрс экспортолсон нь өнгөрсөн оны мөн үеэс 49.8 хувиар буурсан талаар Гаалийн ерөнхий газар мэдээлэв. Тус боомтоор Хонгконгийн Хөрөнгийн биржид бүртгэлтэй “Mongolia Energy Corporation” нүүрсээ экспортолж байгаа юм.