Arslan.mn

Монгол Улсын Засгийн газрын энэ сарын 5-ны өдрийн 121 дүгээр тогтоолоор хилийн Цагааннуур, Боршоо авто замын боомтоор сар бүрийн 2, 4 дэх долоо хоногт бүх төрлийн бараа бүтээгдэхүүн нэвтрүүлэхийг зөвшөөрсөн.

Үүнтэй холбогдуулан Баян-Өлгий аймгийн холбогдох төрийн байгууллагууд бэлтгэлээ хангаж, өнөөдрөөс импортын бараа бүтээгдэхүүн хүлээж авахад бэлэн болсон байна.

Гэхдээ ОХУ-ын Ташанта боомтоос Монгол Улсын Цагааннуур боомт хүрэх зам цас орсны улмаас хаагдаж, шатахуун ачсан 14, малын тэжээл ачсан 5, бусад төрлийн бараа бүтээгдэхүүн ачсан 3 ачааны машин өнөөдөр хоёр улсын хилийн хооронд түр саатаж байгаа ажээ.