Arslan.mn

Өвөрхангай аймгийн Хайрхандулаан сум болон Төгрөг сум шинэ спорт заалтай боллоо.Тус спорт заалыг барих ажлын явц зургаан сар үргэлжилсэн байна.

Тодруулбал, Төгрөг сумын спортын заалны барилга угсралтын ажлыг өнгөрсөн зургаадугаар сард эхэлж, хагасан жилийн дотор буюу энэ12-р сард бүрэн дуусгаж ашиглалтад өглөө. 2019.12.09-ний өдөр Улсын комисс ажиллаж байнгын ашиглалтад оруулахыг шийдвэрийг гаргасан байна.

Барилга угсралтын ажлыг “Сод-Ээл” ХХК “Бэс онцгой дизайн” ХХК-ийн зураг төслөөр барьсан байна. Түүнчлэн Хайрхандулаан сум спорт заалны барилгын ажлыг мөн зургаан сард эхэлсэн бөгөөд 2019.12.10-нд Улсын комисс ажиллаж байнгын ашиглалтад орууллаа. Барилга угсралтын ажлыг “Ариун билгүүн” компани “Бэс онцгой дизайн” компанийн зураг төслөөр гүйцэтгэжээ.