Америк доллар 
LIVEМалчин бүсгүй хуванцар савнаас болж хорт хавдартай болжээ
Архангайн аймгийн Чулуут сумын малчин н.Батбилэгийн эхнэр 2013 онд хорт хавдраар өвчилж хагалгаанд оржээ. Хорт хавдартай болсон малчин бүсгүйн гол шалтгаан нь хуванцар савны хэрэглээ их байснаас болсон гэж эмч нар үзсэн байна. 13жил цагаан идээгээ хуванцар саванд хийж хадгалах хэлбэрээр хэрэглэж ирсэн тэрээр энэ шалтгааныг сонссон даруйдаа хуванцар савнуудаа гэрээсээ гарган хаяжээ. Тэрээр хэлэхдээ “Би өөрийнхөө амьдралыг өөрөөсөө шинэчлэе. Миний хүүхдүүд миний гараас л идэж, ууж хэрэглэж байна. Би хүүхдүүддээ гэр бүлдээ хортой бүтээгдэхүүн үйлдвэрлэж өгч байгаагаа ухаарсан. Цаашлаад малчид бид хүмүүсийг хорт хавдраас сэргийлүүлэхийн тулд хуванцар савны хэрэглээгээ зогсоох хэрэгтэй гэдгийг уриалмаар байна. Хөдөөний айл гэдэг бол үйлдвэрлэгч байдаг. Бидний гараар бэлтгэсэн цагаан идээг хүмүүс худалдан авч хэрэглэж байгаа. Хуванцар савнаас татгалзаж бүгд модоор хийсэн эко сав хэрэглэж байна” гэлээ.
