Arslan.mn

Өчигдөр /2021.09.16/ МҮОНРТ-ийн "Ардын үг" хэлэлцүүлэг "Цар тахлын өнөөгийн байдал, цаашид авах арга хэмжээ" гэсэн сэдвээр хийгдсэн бөгөөд энэ үеэр Халдварт өвчин судлалын үндэсний төвийн захирал Ц.Билэгтсайхан оролцож, тус төвөөс авч хэрэгжүүлж байгаа ажлын талаар мэдээлэл өглөө.

ХӨСҮТ-ийн захирал Ц.Билэгтсайхан " ХӨСҮТ-ийн захирлын ажлаа аваад 10 хоног болж байна. Одоогийн байдлаар гурван чиглэлд гарсан тушаал, шийдвэрээр дагуу шуурхай арга хэмжээ авч ажиллаж байна. 

Нэгдүгээрт, цар тахлын үед фронт дээр ажиллаж байгаа ХӨСҮТ-ийн эмч, ажилчид гээд хүний нөөцтэй холбоотой асуудлуудыг шийдвэрлэсэн. Үүнд, үндсэн орон тоонд дэмжих албадын инженер, техникийн ажилчдыг оруулж, эмч, ажилчдын урамшуулал 30 хувь байсныг дахин 30 хувиар нэмэгдүүлэн 60 хувь болголоо.

Хоёрдугаарт,  ХӨСҮТ нь үндэсний хэмжээнд үйл ажиллагаа явуулахаас гадна Олон улсад бас Монгол улсыг төлөөлөн ажилладаг төв. Тиймээс олон улсад болон үндэсний хэмжээнд явуулж байгаа үйл ажиллагааг сайжруулах чиглэлээр анхаарч ажиллана.  Олон улсын судалгааны чиглэлээр Харвардын их сургууль, Стэнфордын их сургуультай хамтран ажиллахаар зорьж байна. Мөн  БНСУ, БНХАУ-ын СDC төвтэй  хамтын ажиллагааг шинэ шатанд гаргах, ЮНИСЕФ (UNICEF)  Олон улсын байгууллагатай тандалт судалгаанд шинэ технологи нэвтрүүлэхээр ажиллаж байна. Түүнчлэн дотоодын гурван эрдэм шинжилгээний төсөл манай төвд ЭМЯ-ны санхүүжилтээр хийгдэхэд бэлэн болооо.

Гуравдугаарт, ажлаа аваад халдварын нөхцөл байдалтай холбогдуулан үйлчлүүлэгчтэй холбоотой асуудалд анхаарал хандуулан ажиллаж байна. Улс орон даяар өдөрт 20-21 мянган ор дэлгэж ковидын тусламж, үйлчилгээг үзүүлж байна. Энэ үед ХӨСҮТ ч  мөн адил орны тоог нэмэгдүүлсэн. 285 ор дэлгэдэг байсан бол 30 нэмж дэлгэсэн, дахид 50 ор бэлтгэж дэлгэхээр бэлтгэл ажил хангагдаж байна. Ойрын хугацаанд бэлэн болно. Одоогийн байдлаар 315 оронд 400 гаруй үйлчлүүлэгчид ковидын тусламж үйлчилгээг үзүүлэн ажиллаж байна.