Arslan.mn

УНТЭ-ийн Яаралтай тусламжийн төвийн их эмч АУ-ны магистр Д.Энхчимэг гүйлгэлт, суулгалт өвчлөлөөс сэргийлэх талаар зөвлөмж мэдээлэл өглөө.

Тэрбээр “Гэдэсний халдварт өвчин нь хоол хүнс, ахуйн хавьтлаар нэг өвчтөнөөс нөгөөд дамжин халдварладаг бөгөөд хүндэрвэл аюултай өвчлөлүүдийн нэг. Энэ төрлийн өвчний үед гүйлгэж, суулгах, бөөлжих, дотор муухайрах, гэдсээр базалж өвдөх зэрэг шинж тэмдэг илэрдэг.

• Урьдчилан сэргийлэхийн тулд хамгийн түрүүнд хүнсний бүтээгдэхүүний хадгалалт дээр анхаарах хэрэгтэй.
• Ихэнх халдварт өвчин бохир гараар дамжих халдварладаг гэдгийг анхаарч гараа тогтмол угааж хэвших нь зүйтэй.
• Нөгөөтээгүүр гэдэсний халдварт өвчин дутуу боловсруулсан хоол хүнс болон хэрэглэж буй аяга тавгийн дутуу ариутгалтай холбоотой. Иймд буцалсан усаар аяга тавгаа ариутгах ёстой.

Зургаадугаар сарын сүүлээс бороо хур их орж байгаатай холбоотойгоор ундны усны бохирдол үүдэж, гүйлгэх суулгах өвчнөөр өвдөх эрсдэлтэй тул голын усыг хоол хүнсэнд шууд хэрэглэхгүй байх, хэрэглэсэн тохиолдолд сайтар буцалгаж хэрэглэхийг зөвлөж байна.

Хэрэв гэдэс мушгих гэдсээр базалж өвдөх бөөлжих зэрэг шинж тэмдгүүд илэрвэл хросолтой ус уух, шингэн бүлээн зүйлс бага багаар уух, шарсан хуурсан хүнд хоол бага идэх зэрэг арга хэмжээнүүдийг авч эмнэлэгт хандан мэргэжлийн эмчээс туслалцаа авах хэрэгтэйг сануулж байна." гэв.