Arslan.mn

Эрүүл мэндийн яамнаас зохион байгуулж буй “Эерэг хандлага эмчилгээний эхлэл” аяны хүрээнд Гэмтэл согог судлалын үндэсний төвөөс шат дараатай ажлыг зохион байгуулан ажиллаж байна. Үүний нэг нь “Хандлагын 10 хувь” урамшууллын систем бөгөөд үйлчлүүлэгчээс тухайн ажилтны нэр дээр гомдол санал ирэхгүй бол хандлагын урамшууллаа авах юм.

Эмнэлгийн хувьд 11 дүгээр сараас эхлүүлсэн тус аянд иргэдийн зүгээс ямар нэгэн гомдол санал ирүүлээгүй  байна. Ингэснээр  эмч, ажилчид “Хандлагын 10 хувь” урамшууллаа бүрэн авахаар болжээ. 

Харин үйлчлүүлэгчээс гомдол, шүүмжлэл баримт, нотолгоотой ирвэл урамшуулал авах боломжгүй болох аж.

ГССҮТ нь улсдаа ганц төвлөрсөн гэмтлийн тусламж, үйлчилгээг үзүүлдэг байгууллага учраас 24 цагийн өндөр ачаалалтай ажилладаг бөгөөд  90 гаруй эмч, ажилтнууд байнгын жижүүртэй хонож ажилладаг.  Өдөртөө 350-450 иргэнд осол, гэмтлийн яаралтай үйлчилгээг үзүүлж байна.