Arslan.mn

Эрүүл мэндийн яамнаас өнөөдрийн /2020.11.24/ 11:00 цагийн ээлжит мэдээллээ өглөө. 

Улаанбаатар хотод коронавирусийн батлагдсан шинэ гурван тохиолдол бүртгэгдлээ. Ингэснээр нийслэл хот дахь нийт халдварын тоо 54-т хүрлээ. 

ХӨСҮТ-ийн Тандалт, судалгааны албаны дарга А.Амбасэлмаа “Улаанбаатарт бүртгэгдсэн тохиолдлуудын хоёр нь Буянт-Ухаа хороололд хүүхдийн төрсөн өдрийн арга хэмжээнд оролцсон байна. Тиймээс 46 хүнийг тусгаарлаад байсан бөгөөд тэдгээр хүмүүсийн давтан шинжилгээгээр нэг хүнээс халдвар илэрлээ. Хоёр дахь хүн нь Төмөр замын өрхийн эмнэлгийн сувилагч байна. Гурав дахь хүн мөн өмнөх батлагдсан тохиолдолтой хавьтал болсон Буян-Ухаа хорооллын оршин суугч байгаа.

Харин хоёр дахь хүн нь Төмөр замын өрхийн эрүүл мэндийн төвийн сувилагч бол гурав дахь тохиолдол нь мөн Буянт-Ухаа хороололд амьдардаг иргэн байна. Энэ хүний хувьд анхны батлагдсан хоёр ч тохиолдлын хамт хүүхдийн төрсөн өдөрт очсон. Тухайн төрсөн өдөрт очсон 46 хүнийг тусгаарлаад байна. Мөн тэдний ойрын хавьтлын 276 хүнийг тусгаарлаад байна." гэлээ.

Мөн "Буянт-Ухаа-1", "Буянт-Ухаа-2" хорооллын бүх оршин суугчийг шинжилгээнд хамруулах ажлыг өчигдөр /2020.11.23/ эхэлжээ.