Arslan.mn

Эрүүл мэндийн сайдын 2020 оны 11 сарын 12-ны өдрийн ”Эрүүл мэндийн байгууллагуудын бүх нийтийн бэлэн байдалд шилжүүлэх тухай” A/520 дугаар тушаалын хүрээнд Улсын Хоёрдугаар Төв Эмнэлэг нь өндөржүүлсэн бэлэн байдалд эмнэлгийн тусламж үйлчилгээг үзүүлж байна. УХТЭ-ийн Гамшгаас хамгаалах Штаб нь “Коранавируст халдвар (COVID-19)-ын цар тахлын үеийн хариу арга хэмжээний төлөвлөгөө”-г шинэчлэн баталсан.

Эмнэлгийн төв байр, ҮОЭТ-ийн байр, ЯТТасагт тус тус орох, гарах урсгалыг үүсгэж, шүүлтүүрийг ажиллуулж байна. Үйлчлүүлэгчид болон ажилтнуудад зайнаас халуун хэмжиж, тархвар зүйн асуумж авч, амны хаалтны хэрэглээг хянан, гарыг халдваргүйжүүлж байна.  Эмчлүүлэгч, үйлчлүүлэгчийн ар гэр, сахиуруудын мэдээллийг гарган, халдвар хамгааллын дэглэмийг баримтлахад урсгалыг зохицуулж, сахиуруудад түр үнэмлэх олгосон.

Хүний нөөц болон эм, нэг удаагийн хэрэгсэл, ариутгал халдваргүйтгэлийн бодис, урвалж оношлуур, хоол хүнсний нөөцийн судалгааг гарган холбогдох байгууллагуудад хүргүүлсэн. Түргэвчилсэн оношлуурын нөөцийг нэмэгдүүлж татан авалт хийгээд байна. Эмнэлгийн тоон мэдээ, хүний нөөцийн судалгааг гаргахын зэрэгцээ лавлах утас, цахим бүртгэл тогтмол ажиллаж байна.