Arslan.mn

ЭМЯ-ны ээлжит хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа өнгөрсөн хоногт хийгдсэн шинжилгээнүүдийн хариуг танилцууллаа. 

Тэрбээр "Арваннэгдүгээр сарын 11-нд нийтдээ 644 хүн шинжилгээ хийсэн байна. Ингэхэд 24 хүний шинжилгээнд коронавирус илэрлээ. Иргэн Д-гийн ойрын хавьтагч 73 хүний 48-д шинжилгээ хийхэд ахин нэг иргэн коронавирус авсан нь тогтоогдлоо. 10-р сарын 22-нд Алтанбулаг боомтоор орж ирсэн нэг хүний давтан шинжилгээ,  11-р сарын 10-нд Алтанбулаг боомтоор орж ирсэн 1 жолооч, 11 дүгээр сарын 9-нд Сөүл Улаанбаатарын онгоцоор ирсэн 5 хүнд, 10 дугаар сарын 20-нд Сөүл-Улаанбаатарын онгоцоор ирсэн 8 хүний давтан шинжилгээ, Энэтхэг улсаас ирсэн иргэний давтан шинжилгээнд 3 коронавирусийн халдвар илэрлээ. ХӨСҮТ-ийн 84 батлагдсан тохиолдолд эмчлүүлж байна. Энэ үеэр иргэн бүр хариуцлагатай байж, маскаа сайн зүүж, гараа тогтмол ариутгах, шаардлагагүй тохиолдолд гэрээс гарахгүй байх, гэр орондоо чийгтэй цэвэрлэгээг тогтмол хийх шаардлагатай." гэв.