Arslan.mn

Улсын нэгдүгээр төв эмнэлгийн ерөнхий захирал Н.Лхажий Чингэлтэй дүүргийн эрүүл мэндийн төвийн дарга Ц.Лхагва нар хамтран ажиллах гэрээнд 2020 оны есдүгээр сарын 16-ны өдөр гарын үсэг зурлаа.

Тус гэрээ нь эрүүл мэндийн салбарт эмчилгээ оношилгооны дэвшилтэт технологийг нэвтрүүлж, хүн амд үзүүлэх эрүүл мэндийн тусламж үйлчилгээг чанартай хүртээмжтэй хүргэхэд харилцан туршлага солилцож, хамтран хэрэгжүүлэх зорилготой юм.

Энэ үеэр УНТЭ-ийн зүгээс Төгсөлтийн дараах сургалт, Мэргэжил дээшлүүлэх давтан сургалт, Эрдэм шинжилгээ, судалгаа, Зөвлөх үйлчилгээ, Цахим эрүүл мэнд, Эрүүл мэндийг дэмжих төв, Эмнэлгийн тоног төхөөрөмжийн чиглэлээр түлхүү хамтран ажиллахаа илэрхийлэв.

Хоёр эмнэлгийн хамтын ажиллагааны  хүрээнд тус дүүргийн Эрүүл мэндийн төвөөс УНТЭ-д өвчтөн, үйлчлүүлэгчийн 13А, Б маягтыг цахимаар илгээх боломжтой боллоо. 

Мөн төвлөрлийг сааруулах, чирэгдлийг бууруулах зорилгоор  урологи, бөөр судлал, гемодиализ зэрэг эмчилгээг тус дүүргийн Эрүүл мэндийн төвд нэвтрүүлэхээр ажиллаж байгаа бөгөөд  ингэснээр иргэд үндсэн шатлалын эмнэлгээс Төрөлжсөн лавлагаа тусламжийн төвийн эрүүл мэндийн тусламж үйлчилгээг авах боломж нээгдэх юм.